Melîke Aydin

 

MUGLA- Gulsum Nazlioglu dîyar kerd ke pûçbîyayîşê komelî ke pê yeno, netîceya polîtîkaya şerî ya û komelêk ahlaqî bi têkoşînê rêxistinkerde yê cinîyan mumkin o.

 

Demê peyîn de teda û hêrişê hemverê cinî û tutan zêde bîyî û cinî sebebê nê persenê. Çîyê yenê kerdiş pûçbîyayîşê komelî mojneno. Sereka Pêroyî ya Sendîkaya Karkerê Keyeyî (Ev-Esken) Gulsum Nazlioglu derheqê babete de qisey kerd û vat, çîyê ke yenê kerdiş pûçbîyayîşê komelî mojneno û polîtîkayê bêcezaverdayîşî û polîtîkayê derheqê cinî û tutan de girêdayeyê yewbînan ê.

 

Pûçbîyayîşê netîceya polîtîkayê şerî yê

 

Gulsume wina dîyar kerd: “Şer şîdetî nomal keno. Bi taybetî cinî keyeyî de yenê qetilkerdiş. Xeylêk qetilkerdişê cinîyan yê nêvejîyê werte est ê. Heqê cinîyan dest ra yeno girewtiş û no normal yeno mojnayîş. No nîşaneyê polîtîkayê şerî yo. Desteştişê cinîyan yeno kerdiş la çîyêk nîno kerdiş. Reaksîyon nîno mojnayîş.”

 

 

‘Oyo ke pûçbîyayîşê komelî wedarno cinî ya’

 

Gulsume wina vat: “Qirkerdişê cinsî est o. Goreyê înan ti goreyê hawirî qisey bikerî, ti bibê cinî û sere bitewinê ti cinîyêke baş a. La îtîrazê ma est o. Eke tîya endamêke cinî bibayîne, ganî nêverdayîne no bêro vatiş. Komelî de rijnayîş est o. Oyo ke nê wedarno zî cinî ya. Ganî merdimî nêkewê pey îqtîdarî û têkoşînê cinîyan bikerê hedefê esas.”

 

‘Hemserekî destkewtişê cinîyan o, ganî munaqeşe rê anêkerê’

 

Gulsume DEM Partî zî rexne kerd û dîyar kerd ke hemserekî munaqeşe rê abikerê û vat: “Xeylêk rêxistin hemserekî nimûne gênê. Cinîyê DEM Partî nêeşkenê agêrê sere. DEM Partî zî pûçbîyayîş dir tesîr beno. Bajarê rojawanî de cinîyê kurdî nînê qebûlkerdiş. Hewldayîşêk wina est o. Cinîyê kurdî teberê têkoşînî de yenê verdayîş. Nê wextî de têkoşînê cinîyê kurdî û femînîst pîya nêkerdî la nika wazenê tîya pîya bikerê.”

 

‘Bi nan terbîye kenê’

 

Gulsume dewam de wina vat: “Dewlete her cayî de cinîyan kena zor û wareyê îstîhdamî dûr gêna. Ma nêdayîşê bi nan terbîyekerdişî vînenê. Ganî semedê ciwanan wareyê polîtîkî û ekonomî bêrê awankerdiş. No semedê ciwanan şert o. Ma cinî pîya têkoşîn bikerê ma do çareser bikerê. Hemverê pûçbîyayîşî ganî metodê têkoşînê hempar bêrê awankerdiş.”