STENBOL - Rayberê PKKyî Abdullah Ocalan ke Îmrali de binê tecrîdê giran de yeno tepiştiş, “cezaya dîsiplînî” ya newe ke pêvînayîşê keyeyî dir ame astengkerdiş.

 

Ame zanayîş ke “cezayêke dîsiplînî” ya newe Rayberê PKKyî Abdullah Ocalanî Zîndanê Tîpê Fyê Asayîşê Berzî yê Îmraliyî de yeno tepiştiş, ame birnayîş. Avûkatê Rayberê PKKyî Abdullah Ocalan ke Zîndanê Tîpê Fyê Asayîşê Berzî yê Îmraliyî de binê tecrîdêk giran de yeno tepiştiş, semedê pêvînayîşê keyeyî dir Dadgeha Înfazî ya Bûrsayî kerd. Dadgehe neql kerd ke 16ê teşrîna verêne 2024ine de “cezaya dîsiplînî” ya 3 aşman ke Abdullah Ocalanî rê birnayê, est a. Derheqê bahaneyê “ceza” de tu agahî nêameye parekerdiş. Avûkatî do hemverê qerarî de  îtîraz bikerê. 

 

Reaksîyonê hemverê tecrîdê mûtleqî de dewam kenê, badê 43 aşman reya ewil 23yê teşrîna verêne de pêvînayîş keyeyî dir ame kerdiş. Abdullah Ocalan bi biraziyê xo Omer Ocalanî yê parlamenterê Partîya Têduştî û Demokrasî (DEM Partî) yê Rihayî de çarçewaya pêvînayîşê keyeyî dir pêvînayîş kerd.

 

Abdullah Ocalanî dîyar kerd ke hema zî tecrîd dewam keno û badê 43 aşmî nê mesajî pare kerd: “Eke şert û mercî virazîyê, ez wayîrê ê hêzê teorîk û pratîkî ya ke nê prosesî bingehê şerî û şîdetî açarnî bingehê huqûqî û sîyasî.”

 

Wezîrê Edaletî Yilmaz Tunç ke beşdarê bernameyêk televîzyonî bibi û wina cewab dabi persê, “Do Abdullah Ocalanî dir tu pêvînayîşê bînî bêrê kerdiş yan nê?”, “Parlamenterê DEM Partîye Omer Ocalan biraziyê ey o, muracatêk kerdibî. Muracatêk newe nêbî, no wextêk derg o avûkatê ey zî muracatan kenê. Peynîya peynî de rewşêke qanûnî ya û pêvînayîş ame kerdiş. Pêvînayîşê newe do goreyê waştişan bêrê ercnayîş. Xora mewzûatê ma de dîyar o ke pêvînayîşê hikûmwerdeyêk, merdimanê xo dir do senîn bo. Her kes eşkeno çarçewaya nê rêziknameyan de heqê xo bişuxilno.”

 

Badê pêvînayîşê 23yê teşrîna verêne semedê pêvînayîşê keyeyî dir û vasî dir 2 rey muracat ame kerdiş la her di muracatan rê hema zî cewabêk nêameyo dayîş.