MERKEZÊ XEBERAN - Hemşaredara Bajarê Pîlî ya Mêrdînî Devrîm Demîr, reaksîyon vera tayînkerdişê qeyûmî da û wina vat: “Îqtîdar reyke bîn hemverê îradeyê şarî darbe kerd.” 

 

Wezaretê Karê Zerreyî, Şaredarîya Bajarê Pîlî ya Mêrdînî, Şaredarîya Êlihî û Şaredarîya Xelfetî ya Rihayî ke îdarekarîya DEM Partî de bî, qeyûm tayîn kerd. 

 

Hemşaredara Bajarê Pîlî ya Mêrdînî Devrîm Demîr serê hesabê xo yê medyaya dijîtale de nê mesajî pare kerd: “Ewro serê sibayî de reyke bîn Şaredarîya Bajarê Pîlî ya Mêrdînî rê qeyûm ame tayînkerdiş. Îqtîdar reyke bîn hemverê îradeyê şarî de darbe kerd. Şarê ma verê di rey hemverê xespkerdişê îradeyî de vindertişêk zelal mojna. Sindoqe ser mojna ke nê polîtîkayan qebûl nêkeno. Pêwa nînan zî îqtîdar xespkerdişê îradeyî de israr keno û no nîşaneyê çinbîyayîşê ci yê sîyasî yo. Bi nê sîyasetê rijnaye, bi nê polîtîkayê xespî de do nêeşko netîceyêke bi dest bikero. Ma vizêr qebûl nêkerd û do ewro zî qebûl nêkerê. Venga ma semedê temamê şarê ma oyo ke hemverê xespkerdişê îradeyî bêrê vernîya şaredarî û wayîrê îradeyê xo vejîyê. Şaredarî yê şarî yê. Qeyûm, darbe yo.”