WAN - Wan de polîsan hêrişî protestoyê hemverê qeyûmî kerd. Badê hêrişî îdarekarê DEM Partîye û welatijan çalakîya roniştişî dayî destpêkerdiş û mesajê, “Ma sey xoverdayîşê Wanî, hemverê qeyûman wurzê” dayî. 

 

Wan de îdarekarê DEM Partî û welatîjî Kuçeyê Hunerî de kom bîyî û hemverê tayînkerdişê qeyûmê şaredarîya Mêrdîn, Êlih û Xelfetî de nêrazîbîyayîş mojnayî. Girseyî bêmabên sloganê, “Bijî berxwedana gelê kurd”, “Berxwedan jiyan e” berz kerdî û venga hêrsê hemverê qeyûman ame kerdiş. 

 

‘Ma xo ver danê’ 

 

Parlamentera DEM Partîya Wanî Gulcan Kaçmaz Sayyîgît tîya qisey kerd û dîyar kerd ke rejîmê AKP-MHPyî vindîkerdişê xo yê Kurdistanî ra mirdî nêbîyo û bi eynî metodê îradeyê şarî desteser keno. Gulcan Kaçmaz vat, do şar hemverê nê dizdî û talanî de xo ver bido û dîyar kerd, senî ke înan 2-3yê nîsane de hemverê desteserkerdişê îradeyê şarê Wanî xo ver dayî, do ancî bi eynî hewa xo ver bidê û hemverê  qeyûman bimojnê.

 

Çalakîya roniştişî

 

Badê eşkerayîye polîsan hêrişê çalakîya şarî kerd. Hêriş de xeylêk kesî ameyî destbendkerdiş. Girseyî hemverê qeyûman de binê ablûqayê polîsan de dest bi çalakîya roniştişî kerd.