STENBOL - Raporê ÎSÎGî de ame neqlkerdiş ke teşrîna verêne 2024ine 15 ci ra cinî û tutî 164 karkerî karî ser o dinyaya xo bedelnayî.

 

Meclîsê Weşîye yê Karkeran û Asayîşê Karî (ÎSÎG) “Raporê Cînayetê Karî yê Teşrîna Verêne 2024ine” eşkera kerd. Goreyê raporî aşma teşrîna verêne de 11 ci ra cinî, 4 ci ra tutî, 18 ci ra multecî û bi pêroyî 164 karkerî cînayetê karî de dinyaya xo bedelnayî.

 

Goreyê raporo ke ame vatiş de 49 karkerî karê înşaatî û viraştişê rayîran de merdê, 30 karkerî zî wareyê kulturî û daristanî de merdê, 18 karkerî karê neqliyeyî de, 8 karkerî zî karê bazirganî û meymanî de merdê.