Rozerîn Gultekîn 

 

STENBOL - Avûkata OHDyî Yasemîn Soydan, derheqê caardişê ‘heqê hêvîye’ ke yeno vatiş giredayeyê atmosferê sîyasî yo de qisey kerd û vat: “Wexto ke heqê goreyê geşedanê sîyasî bibê babeta bazarî huqûq dewre ra vejêno. Heqê hêvîye ganî nêbo heqê bazarî. Ma hemverê tecrîd de têkoşîn dewam bikerê.”

 

Badê 43 aşmî, parlamenter Omer Ocalanî Rayberê PKKyî Abdullah Ocalanî dir 23ê teşrîna verêne de pêvînayîş kerd. Abdullah Ocalanî pêvînayîş de vatişê ‘şert û mercî bêrê awankerdiş, ez wayîrê hêzê pratîk û teorîk ke prosesî biancî zemînê huqûqî û sîyasî’  şuxilna. La badê pêvînayîşê avûkatê Buroyê Huqûqî yê Asrinî, derheqê pêvînayîşê keyeyî dir muracatê Dadgerîya Înfazî ya Bursayî kerd û hemverê nê vatişî de cezaya dîsîplînî ya hîrê aşmî Abdullah Ocalanî rê birnayî pê hesîyayî. Heto bîn ra zî munaqeşeyê ‘heqê hêvîye’ yenê kerdiş. 

 

Avûkata Komeleya Huqûqnasê semedê Azadîye (OHD) Yasemîn Soydan derheqê babete de qisey kerd.

 

‘Bidestkerdişê heqan do bi averşîyayîşê sîyasî pê bêro’

 

Yasemîn Soydan wina qalî kerd: “Girêdayê averşîyayîşê sîyasî, averşîyayîş noktayêke de merdiman nêrehet keno yo. Goreyê averşîyayîşê sîyasî huqûq biform beno. Bidestkerdişê heqê qanûn û peymanê vejênê do bi averşîyayîşê sîyasî bêrê bidestkerdiş? Tecrîdê Abdullah Ocalanî ser o sewîyeyêka cidî de ya. Biserran agahî ci ra nêameyîne girewtiş. No mudaxaleyê hemverê heqê merdiman o. Tu hetê huqûqî yê nê tecrîdî çin o.”

 

‘Cezaya mergî ra cîyayî nîyo’

 

Yasemîn Soydan dewam de wina vat: “Sîstemê huqûqî de fehmê edaletî yê cezakerdişî est o. No fehm badê ke kes suc keno, nê kesî komelî ra îzole kenê û nê kesî vurnenê û agêrnenê komel. 2004ine de cezaya mergî ameye wedaritiş. Cezaya muebetê giran ardî. Nê gore heta kes bimiro do zîndan de bo. No zî cezaya mergî ra cîyayî nîyo. Semedê Birêz Abdullah Ocalanî na babete de muracatê DMMEyî amebî kerdiş. DMMEyî derheqê nê de qerarê binpaykerdişê heqî da. La Tirkîya bi serran o nê qerarî ca nêana.”

 

‘Ganî ma têkoşînê huqûqî de biisrar bê’

 

Yasemîn Soydan tewr peyîn wina vat: “Pêwa Tirkîya tecrîdê giran ca ana, CPT, Komîteyê Wezîran hemverê Tirkîya ceza ca nêana. Heqê hêvî nêeşkenê bikerê babeta bazarî. CPT û Komîteya Wezîran hemverê tecrîdî de bêveng ê. Huqûq nê heqî dano kesî. Coka mumkin nîyo bibo babeta bazarî û o wext huqûq dewre ra yeno vetiş. Ganî ma têkoşînê huqûqî de biisrar bê. Ma sey OHD ma do hemverê nê têkoşînê xo dewam bikerê.”