RIHA - Roja 4ine ê xoverdayîşo ke verê Şaredarîya Xelfetî de dewam keno, mesajê, "Şima îşxal kerd, la ma tîya yê. Ma nêşinê tu cayêk.” Ame dayîş.

 

Badê ke qeyûm tayînê Şaredarîya Xelfetî ya Rihayî ame kerdiş, xoverdayîşê şarî bi pêro heybetê xo dewam keno. Xoverdayîş û nobeta hemverê qeyûman roja 4ine de dewam keno, Parlamentera DEM Partî Ayten Kordu, Hemşaredarê Xelfetî Saniye Bayram û Mehmet Karayilan û xeylêk kesî tewrê çalakî bîyî.

 

Parlamentera DEM Partîye ya Dêrsimî Ayten Kordu reaksîyon vera rewşa ke wesayîtê zirxî cayê nobete ci de ameyîne girewtiş mojnayî û vat, "Şima şaredarî û îradeyê şarî îşxal kerd. La ma tîya yê û ma nêşinê cayêk."

 

Nê ser de polîsan game peyser eştî û wesayîtê zirxî wareyê şarî ra dûr fist.

 

Xoverdayîşê şarî do temamê roje bi bernameyê cîya dewam bikero.