Derya Ren

 

RIHA-  Cinîyê Xelfetî hemverê qeyûman xo ver danê, dîyar kerdî ke ê qeyûman qebûl nêkenê û vatî, verê şarî de tu meşrûbîyayîşê polîtîkaya qeyûmî çin a.

 

4ê teşrîna peyêne de hetê Wezareta Karê Zereyî ra semedê Şaredarîya Bajarê Pîlî ya Mêrdînî, şaredarîya Êlihî, şaredarîya Xelfetî ya Rihayî ke binê îdareyê DEM Partî de bî, qeyûm ame tayînkerdiş. Badê qeyûman şarî dest bi xoverdayîşî kerd û mesajê wayîrê îradeyê xo vejîyê kerdî.

 

Cinî derheqê qeyûman de ajansê ma rê qisey kerdî

 

‘Têkoşînê cinîyan ra tersenê’

 

Parlamentera Dersimî ya DEM Partîye Ayten Kordu wina vat: “Hîrê rey qeyûmî yenê tayînkerdiş. Îradeyê şarî yeno xespkerdiş. La zanê ke meşrûbîyayîşê înan çin o. No sîstem, têkoşînê cinîyan ra terseno. Cinîyan ser o hêriş keno. No sîstem nasnameyê dişminîyê cinîyan û yewperestî mîyanê xo de hewêneno. Nê semedî ra têkoşînê cinîyan ra tersenê. Demê peyîn de xoverdayîşê pîlî rê cinî serkêşî kenê. Qeyûmî yenê tayînkerdiş, destkewtişê cinîyan hedef gênê. Sîyasetê qeyûmî hemverê cinîyan pê ameyo."

 

Felsefeya jin jiyan azadî

 

Ayten Kordu wina peynî kerd: “Semedo ke şaredarî zêdeyêr derheqê wareyê cuya cinîyan de xizmet danê. Qeyûmî ewilî midûriyetê cinîyan padanê. Polîtîkaya dişminîya cinîyan kenê. Nê semedî ra zî ma xeta têkoşînê komelî de yê. Ma hemverê nê fehmî yê hêrişê felsefeya ‘Jin jiyan azadî’ dir têkoşîn kenê.”

 

‘Destê xo yê lêşin biancê’

 

Îslîm Yalçinkaya çalaya nobete de wina vat: “Heta peynîya cuya xo ez o têkoşîn bikerî. Zulm kenê. Ma do xo ver bidê. Lajê mi destbendkerdişî de îşkence kerdî. Wa şaredarîyanê ma bidê ma. Wa destê lêşînan biancê. Êdî bes o.”

 

Hatim Yalçinkaya zî dîyar kerd weçînayîşan de zaf şuxilyayê û wina vat: “Ma qeyûman qebûl nêkenê. Ma hemşaredaranê xo wazenê. Ma Xelfetî bi rayêk pîl girewt. Ma pîya ciwîyenê. Çira qeyûman tayîn kenê?”