Derya Ren

 

MEREŞ - Cinîyê ke bajarê konteyniran de manenê, dîyar kerdî ke semedê krîzê ekonomî, pêwa hewayê lêşinî ê mecbûr ê ke sebze semedê zimistanî wuşk bikerê û vatî ke dewlete hetkarîya înan nêkena.

 

Goreyê dayeyê fermî erdlerzo ke 6ê Sibata 2023ine ke Mereş de virazîya, 50 hezar kesan dinyaya xo bedelnayî û bi milyonan kesî zî birîndar bîyî. Pêwa ke 22 aşmî erdlerzî ser o dem derbaz bîyo la hema zî problemî nêameyê çareserkerdiş. Qezaya Pazarcixî ya Mereşî de pêwa xirban, wareyê ke TOKÎ yenê viraştiş, tedbîrî nînê girewtiş û no zî beno sebebê lêşinîyê hewa.

 

Semedê lêşinî welatijî asteng benê 

 

 

Heto bîn ra nêzdîbîyayîşê zimistanî dir, zuwakerdişê fêkî û sebzeyan ke çimeyê debara ya şarê qeza yo zî zehmet beno. Cinîyê ke bajarê Konteynirê Dewa Dostaniya Koreyî de ciwîyenê, bi paştîdayîşê Xaço Sûrî yê Koreya Başûrî qezaya Pazarcixî ya Mereşî de ameya awankeediş, dîyar kerdî ke semedê vayîya cuye pêwa lêşinîya hewayê zî mecbûr mendê ke semedê zimistanî fêkî û sebze wuşk bikerê. 

 

'Ma hema zî konteyner de yê'

 

 

Halîme Dogrû wina vat: “Ma sebze û fêkî wuşk kenê ke ma zimistanî werd de bişuxilnê. Xora tîya de problemê bêkarî est bî. Rewşa karsazîyê bîyaye, erdlerzî dir werte ra ame wedaritiş. Pêwa ke xeylêk wexr erdlerzî ser o derbaz bîyo zî ma konteyner de manenê. Homa zano do heta key ma tîya de verdê. Semedo ke pêro banî rijyayê, ma biwazê kîra zî keye çin o. Hetkarîyê ke badê erdlerzî ameyî tîya, pêro teber ra ameyî. Di tornê mi qijî est ê. Konteynrê ma çinbî, kesêk teber ra ma rê konteynir şirawit."

 

'Tu eşkerayîye nêameye dayîş'

 

 

Emîn Dogru zî wina vat: “Badê erdlerzî ma hewl danê ke bi hawayêkê cuya xo dewam bikerê. Pêwa ke xeylêk wextî erdlerzî ser o derbaz bîyo, ancî keyeyî nêameyî teslîmkerdiş. Dest bi teslîmê mifteyan kerdî. La xebera ma muracatê TOKÎ ra çinbî. Ma wina mendî. Ma nêzanê do rewşa ma senî bo. Ma tu hetkarî nêgirewt. Xêrcê hetkarîya kesê xêrwaştoxan ma hetkarî nêgirewt. 2 serrî yo hema zî keyeyî nêameyê teslîmkerdiş. Ma halê ma de verdayî. Wayîrê heqî rê hema newe mifte yeno teslîmkerdiş. Ma nêzanê ma do se bikerê.”