Rozerîn Gultekîn

 

STENBOL - Komeleya Vernê de Cinî û Tutî Seyhan Oznur Karasu derheqê ‘Çeteyê Yenîdoganî’ yê vejîyayê werte de ercnayîş kerd û vat: “Çetebîyayîş tenê bi falîyetê teberê qanûnî de sînor nêmaneno û tesîr sîstemê qanûnî ser o zî kerdo. Problem sîstem bixo yo. Nê semedî ra ganî ma sîstemî mahkum bikerê. No sîstem semedê çeteyan zemînêk senî amade keno? Ganî ma têgêrayîş bikerê.”

 

Çeteyê Yenîdoganî ke yeno îdiakerdiş bi amancê Sazgehê Asayîşê Komelî (SGK) zêdeyêr pere bigîro ameyo awankerdiş, bi hewteyan o rojeva Tirkîya de yo. Badê muracatê semedê CÎMERî, nê çeteyî vejîyayî werte û muhakemekerdişê ci 22yîne Dadgeha Ceza Giran ya Bakirkoyî de ame kerdiş. Dosyaya 33 şikdarê tepişte, bi pêroyî 47 şikdarî yenê muhakemekerdiş. Îfadeyê şikdar û keyeyê ke ç ciwîyayê vejîyeno werte.

 

Komeleya Vernê de Cinî û Tutî Seyran Oznur Karasu derheqê çetebîyayîşî de ercnayîş kerd.

 

‘Çetebîyayîş tesîr sîstemê qanûnî rê zî kerdo’

 

Seyhan Oznur Karasu da zanayîş ke çeteyan bebikan qetil kerdê û wina vat: “Badê serran ra çeteyî haydar bîyî. Çetebîyayîş tena bi faliyetê teberê qanûnî sînor nêmaneno û tesîr sîstemê qanûnî ser o zî kerdo. Problem sîstem bixo yo. Nê semedî ra ganî ma nê sîstemî mahkum bikerê. No sîstem semedê nê çeteyan zemînêk senî amade keno? Ganî ma persê nê bikerê.”

 

‘Hemverê komelî de destekê karî est o’

 

Seyhan Oznur Karasu dewam de wina vat: “Vernê de dozger ame tehdîdkerdiş. Ma pêrûne pîya dî. Yê ke tehdîd kerdêne xo ra hende bawer bî. Badê ça parekerdişêk dozgerî yê hemverê nê tehîdan vîna. Nê çeteyî bi çiman ameyî vînayîş la çîyê ke nêameyê vînayîş zî est ê. Eke bebikî pê dima nêmerdêne do xebera ma çinî bîne. Xeylêk kesî gerre kerdo la tu delîl werte de nêverdayê. Babete tenê sucdarkerdişêk kesî nîya. Sîstemêk cor ra heta cêr est o. Hemverê komelî destekê karî est o.”

 

‘Ganî ma sîstem mehkum bikerê’

 

Seyhan Oznur Karasu wina qedêna: “Komelî bi vengêk berz waştişê heqê weşîye û perwerdeyî kerdo. Badê hedîseyê bêşik bawerîya bi sîstemê weşîye, problemê girdî awan kerd. La semedo ke sîstem problemêk bixo yo, ganî ma mehkum bikerê. Ganî bi rêxistinkerde têbigêrê. Çareserî na ya. Ganî ma sîstem mahkum bikerê û vengê xo berz bikerê.”