AMED - Roniştişê dewaya Narîn Gurana ke ameye qetilkerdiş do bi pawitişê kerdox û avûkatanê kerdoxan roja 2yîne de dewam bikero.

 

Roniştişê diyîn ê dewaya ke do versûcê Narîn Gurana taxa Çûlî ya qezaya Rezanê Amedî ameye qetilkerdiş bêro vînayîş, 8ine Dadgeha Cezaya Giran ya Amedî de roja 2yîne de dewam keno. Roniştişê dewa de xeylêk serek û avûkatê baroyî, Baroyê Amedî, Komîsyonê Cigêrayîşê Heqê Merdiman ê TBMMyî, temsîlkarê sazgeh û komeleyê tutan û cinîyan, temsîlkarê sazgehê sivîlî û temsîlkarê partîyê sîyasî û endamê meclîsî amade bîyî.

 

'Medyaya dîjîtale xirabî kena’

 

Kerdox Salîm Guran ke roniştiş de ewilî pawitişê xo kerd, îfadeyê xo yê verê reyna kerd û qalê roja vînîkerdişê Narîn Gûrane kerd. Failî sûcdarkerdiş qebûl nêkerd û vat, ganî êdî çapemenîya dijîtale vindero û êdî înan rê xirabî nêkero. 

 

Avûkatê fail Salim Gûranî, Onur Akdag pawitişo ke kerd de dîyar kerd ke ê sûcdarîyê muwekîlê xo ser o qebûl nêkenê û waştişê veradayîşê ey kerd.

 

Roniştiş, bi pawitişan dewam keno.