Oznur Deger

 

MÊRDÎN - Alye Işika 79 serrî ke Mîdyad de ciwîyena,  nimûneyê cinîyanê Kurdistan de ciwîyena ya. Di lajê aye têkoşînê azadîye de dinyaya xo bedelnayî, kênaya aye zî tepişte ya. Alye Işik ke tena çimê aye rayîrê kênaya aye de yo.

 

Cinîya bi nameyê Alye Işika 79 serrî ma keyeyê xo yê Mîdyad de kena meyman. Alye Işik di lajê aye têkoşînê azadîye de dinyaya xo bedelnayî û kênaya aye zî tepişte ya. Ma hîkayeya Alye Işike aye ra goşdarî bikerê.

 

Tutîya xo qalî kerd

 

Alye Işik 2ê sibata 1945ine de taxa Kevsengî ya Mîdyadê Mêrdînî de keyeyê ke 4 tutî benê de yena dinya. Ayle Işik dîyar kena ke 20 serrê xo dewe de derbaz kena û wina vat: “Tutîya ma kuçeyan de bi kayî derbaz bî. Ma ramitişî dir eleqedar bîne. Cuya dewe kede wazena. Babîyê mi bostan ramitêne. Ma înan dir eleqedar bîne. Ters çinî bî. Ma karê xo kerdêne. Mangayê ma estbî.”

 

16 serrî de yena zewicnayîş

 

Alye Işika ke 16 serrîya xo de yena zewicnayîş wina vat: “Vatişê babîyê çi bîne o bîne. Bivatêne çi ma o çî kerdêne. Mi cîranê mi dir da zewicnayîş. 5 laj û 5 kênayê mi bi pêroyî 10 tutê mi virazîyayî. 50 serrî yo Mîdyad de ciwîyena. Bazirganî dir eleqedar bena. Dikanê ma estbî. Ma semedê tedayan dikan pada.”

 

Îşkenceyê ke dîyî qal kerd

 

Alye Işik wina qal kerd: “Tirkîya de kesî sey ma zulm nêdî. Pêro keyeyê mi ame destbendkerdiş. Ma ameyî îşkencekerdiş. Eştî keyeyê mi ser. Tutê mi, veyvê mi pêro ameyî destbendkerdiş. Îşkenceyê giran kerdî. Mêrdeyê mi îşkenceyan ra kanser bî û dinyaya xo bedelnaye.”

 

5 serrî yo pabeyê kênaya xo ya

 

Alye Işik vat ke semedê îşkenceyî di lajê aye tewrê PKKyî bîyê û kênaya aye Fîlîz IŞik ke hemsereka verî ya HDPyî ya qeza bîya, ameya tepiştiş. Alye vat, kênaya aye 5 serrî yo zîndanê Cinîyanê Amedî de tepişte ya û he roje pabeyê ameyîşê kênaya xo ya.

 

Vana aştî

 

Alye Işik wina qedêna: “Ma şehîdî dayî. Ma zîndan vîna. Lajê mi Seyfettîn Işik (Rubar) û Erdal Işik pêrodayîşan de dinyaya xo bedelnayî. Ez aştîye wazena. Şer nêwazena. Rojêke ma do pêro bimirê. Çira no zulm? Tehemulê şînan nêkenê. Ma bi desine rey ameyî destbendkerdiş. Ez poşman nîya. Serberz a.”