Rabîa Onver  Memîhan Zeydan

 

WAN - Heyetê DEM Partîye şî Îmrali û badê pêvînayîşê bi Rayberê PKK’yî Abdullah Ocalanî dir munaqeşeyî dest pêkerd. Cinîyê Wanî dîyar kerdî ke ê cuyêka azade û aştîyane, cuyêka kes hêsiran mevarno û azadîya Abdullah Ocalanî wazenê.

 

Heyeta DEM Partî yê Îmraliyî Pervîn Buldan û Sirri Sureya Onder 28ê kanûne de bi Rayberê PKK’yî Abdullah Ocalanî pêvînayîş kerdî û badê pêvînayîşî mesajê 7 maddeyî pê ameyîne rayaumûmî dir ame parekerdiş. Heyet, badê partiyê meclîsî dir pêvînayîş kerd. Badê nê 22yê çeleyî de Abdullah Ocalanî dir pêvînayîşê diyîn kerd. Badê pêvînayîşî, heyetî dîyar kerd ke Abdullah Ocalan semedê çareserîya demokratîke xebatê xo keno.

 

Cinîyê Wanê derheqê averşîyayîşî de fikr û ewnîyayîşê xo pare kerd.

 

Semedê kesê ke binê îşgalî de yê aştî

 

Emîne Keskîn: Semedê kesê ke binê îşxalî de yê, semedê şarê xo, semedê kurdan aştîye wazenê. Ma nika binê tedayan de yê. Pêvînayîşî yenê kerdiş. Çi destê înan ra yeno wa bikerê, netîceyêke serkewte pê bêro.

 

Wa Abdullah Ocalan azad bibo

 

Şîrîn Abî: Ma aştîye semedo ke no şer vindero wazenê. Wa şer vindero. Ma pêro têduşt ê. Wa berê zîndanan bêrê akerdiş, wa Abdullah Ocalan azad bibo. Wa na gonî vindarîyo. Tepişteyê ma azad bibê. Wa peynîya nê îşkenceyê kurdan bîyarê. Ma aştîye wazenê.

 

Hetêk ra vanê aştî heto bîn ra bombavaran kenê!

 

Şaraban Bayhan: Semedo ke kes nêmiro, ma semedê azadîya Birêz Ocalanî aştîye wazenê. Wa na gonî vindarîyo. Wa gamê ke yenê eştiş bibê wesîleya aştî. Wa dayîkî mebermê. Êdî bes o. Hetêk ra vanê aştî, heto bîn ra şer danê destpêkerdiş. Şarî xapênenê. Zûran kenê. Birêz Ocalanî dawetê meclîsî kenê, heto bîn ra Rojawanî bombavaran kenê.

 

Îpek Saglam: Lazimî bi şer û pêrodayîşan çin o. Wa her kes destê xo bido yewbînan û ganî têduştî bibo. Aştî bibo do şer bêro vindarnayîş. Do dinya hîna weşik bibo. Bîyayîşê pêvînayîşan baş o. Ez dayîka di leşkeran a. Wa êdî aştî pê bêro.

 

Semedê dewlete vengdayîş

 

Ayşe Abî: Wa dewlete destê aştîye derg bikero. Pêvînayîşê ke yenê kerdiş wa bibê wesîleya aştî. Wa aştî pê bêro û kes nêmiro. 

 

Wa her kes azad bibo

 

Sultan Toner: Wa aştî pê bêro û tu kes nêmiro. Wa her kes azad bibo, gonî nêrijo. Ma zî wazenê sey şarê bînî azad bibê. Wa kes nêmiro û her kes heqê xo bidest bikero.