AMED - Dewa ke hemşaredara Sêrtî Sofîye Alagaş ci ra ameyîne muhakemekerdiş, 6 serrî û 3 aşmî ceza ci rê ameye birnayîş.

 

7ine roniştişê dewaya Hemşaredara Sêrtî Sofya Alagaşa ke demê xebatê xo yê rojnamegerîye de bi îdiayê "endamîya rêxistine" ameyîne muhakemekerdiş, kerdî. Sofya Alagaş beşdarê roniştişê 5ine Dadgeha Cezaya Giran ya Amedî nêbî, avûkatê aye Resûl Tamur û Pirozhan Karali Guler hadre bî. Heto bîn ra endamê meclîsê Şaredarîya Sêrtî, Hemşaredarê Qeza û bajarokê Sêrtî, Komeleya Rojnamegerê Cinîyan ê Mezopotamyaye (MKG), Komeleya Cigêrayîşê Medya û Huqûqî (MLSA), Komeleya Rojnamegeran ê Dîcle Firatî (DFG), Partîya Herêmanê Demokratîke (DBP) û Partîya Têduştî û Demokrasî (DEM Partî) Rêxistinê bajar û qezayanê Amedî, Baroyê Amedî, Serekê Baroyê Sêrtî Muhammet Alptekin, Baloyzxaneyê Almanya zî dewa taqîb kerd.

 

Vernîya roniştişî girseyê polîsan ê verê edlîye zî bala   her kesî ant.