MERKEZÊ XEBERAN - Mudirîya Kultur û Karê Komelî ya Şaredarîya Peyasî, semedê 3500 keyeyê ke muhtac ê, kartê hetkarî yê zexîre û xidayî vila kerd.

 

Şaredarîya Peyasî badê ke semedê 500 wendekarê ke unîversîte qezenc kerdî û perwerdeyîyê xo dewam kerdî, 15 hezar lîra hetkarîya perwerdeyî kerdibî na rey zî semedê 3500 keyeyê ke muhtacî bî, hetkarîya xida û zexîre kerdî.

 

Her keyeyî rê bi temamî 30.000 lîra

 

Mudirîya Kultur û Karê Komelî zêdeyê 9 hezar muracatî ercna û 3 hezar û 500 keyeyê ke heqê hetkarî heq kerdêne, tespît kerd. Şaredarî do 12 aşman, her aşme 2500 TL bido, kartê ke dayî keyeyan rê. Wayîrê kartan zî do bieşkê, marketan de xidayan û zexîre bigîrê.