AMED - Meydanê Îstasyonî yê qezaya Yenîşehîrî ya Amedî de bi sloganê "Semedê aştîye azadî" mîtîng ame organîzekerdiş û mîtîng de posterê Rayberê PKK'yî Abdullah Ocalanî ame akerdiş.

 

Bi serkêşîya Partîya Herêmanê Demokratîke (DBP) û Partîya Têduştî û Demokrasî (DEM Partî) qezaya Yenîşehîrî ya Amedî de Meydanê Îstasyonî de mîtîngê "Semedê aştîye azadî" ame organîzekerdiş. Bi hezaran welatijî cayê cîya de kom bî û bi slogan û pankartê cîya heta meydanê mîtîngî rayîr ra şîyî. Xeylêk bajaranê Kurdistanî ra bi seyan welatijî semedê tewrê mîtîngî bibê, ameyî bajar.  

 

Meydanê mîtîngî de sloganê "Semedê ameyoxêk azad çareserîya demokratîke", "Rayîrê çareserîye demokratîke azadî ya", "Jin, jiyan, azadî" ameyî akerdiş. Rayîrşîyayîşî de pankartê "Dem demê serkewtişî yo", "Cesaretê çareserî, kede semedê azadîye" û "Xoverdayîşê cinî azadî yo" ameyî daliqnayîş.

 

Meydanê mîtîngî de posterê Rayberê PKK'yî Abdullah Ocalanî ameyî akerdiş.