MERKEZÊ XEBERAN - Rayberê Şarê Kurdî Abdullah Ocalanî semedê dayîka xo Uveyş Ocalane vatêne: "Ez tewr zêde dayîka xo ra raştîya cuye musaya,  sebr û muhîmîyê rumetî bîya." Uveyş Ocalan 32 serrî verê dinyaya xo bedelnaye û semedê şarêk mîrasê xoverdayîşî, heqîqet û serenêtewênayîşî verda.

 

Uveyş Ocalan ke hawirê şerî, feqîrî û zextî de vurnayîş senî beno mojna, 32 serrî verê dinyaya xo bedelnaye. Xeylêk kesî Uveyş Ocalan bi Rayberê Şarê Kurdî Abdullah Oclanî nas keno. Uveyş Ocalan semedê şarê kurdî tena dayîk nêbî, serewedaritişêk mîyanê sebrî de vejîyayo werte ya. Sey Abdullah Ocalanî vatişêk xo de va: “Mamosteya min a raşt Dayîka Uveyş a.” Tena nêard dinya, xoverdayîş, heqîqet û serenêtewênayîş musna.

 

Abdullah Ocalan semedê dayîka xo eynî wextî de wina va: “Ez xeylêk çî dayîka xo ra musaya. Raştîya cuye, sebr, vindertişê bi rûmet.”

 

Uveyş Ocalan kam a?

 

Dayîka xoverdayoxe Uveyş Ocalan serra 1922ine de dewa Amara ya girêdayeyê Xelfetî ya Rihayî de amî dinya. Emrê qijî de kesêk nêzdîyê dewa înan dir yena zewicnayîş. Nê zewacî dir cuya aye ya xidar dest pêkena. Aye bena şahidê kiştişê cinîyêke yê hetê mêrdeyê xo ra û nê çî dadgehe de vana û bena sebeb ke o kes ceza bigîro. Dayîka Uveyş eynî wextî de zî hemverê zîhnîyetê pederşahî xo ver dana. Mêrdeyê aye zîndan de krîzê qelbî derbaz keno û mireno. Kênayêke aye mêrdeyê yewinî dir estbî. Dayîka Uveyş badê mergê mêrdeyê xo agêrena verê keyeyê xo û badê zî Omer Ocalanî dir eynî dewe de zewicyena. Zewacê diyîn dir zî têkoşîn û xoverdayîşê aye ya cuye dewam keno. Nê zewacî ra çar kêna û hîrê lajê aye benê.

 

Abdullah Ocalan yeno dinya

 

Uveyş Ocalan bi şexsê xo yê xoverdayîşî yena naskerdiş 4ê Nîsana 1949ine de Rayberê PKK'yî Abdullah Ocalanî ana dinya. Dayîka Uveyş zî têkoşînê hemverê nêweşî dana. Semedê nêweşîya şekirî Edene de tedawî vînena. Nê têkoşînê cuye de lingêke aye yena birnayîş. Badê tedawîya serrêke 11ê Nîsana 1993ine de semedê krîzê qelbî dinyaya xo bedelnena. Canazeya aye dewa Amara ke xeylêk ci ra hes kena, yena definkerdiş.

 

‘Dewe de nameyê aye bi serewedaritişî vila bibî’

 

Abdullah ocalan bale anceno ruhê xoverdayox ê dayîka xo Uveyş Ocalan û rêçek senî serê şexsê ey de verdayo wina qal keno: “Emrê qijî de mi rê pêrodayîş musna. Hema ewro zî tesîr mi ser de est o. Dayîka mi mi musna ke ez kesêk ra hetkarî nêpawî. Vatêne se beno wa bibo cewab bide. Dewe de dayîka mi sey xoverdayox ameyîne zanayîş.”

 

Tesîrê dayîka ey

 

Abdullah Ocalan dîyar kerd ke nêzdîbîyayîşê ey yê semedê babeta cinî, fikrê dayîka ey tesîr kerdo û va: “Tesîrê dayîka mi mi ser çinbîne ez do semedê babeta cinî baldar nêbîne. Tesîrê dayîka mi, bala mi da cinîyan ser. Dayîka mi tesîrêk zaf xurt mi ser viraşt.”

 

Bi çimanê kênaya aye Uveyş Ocalan

 

Kênaya aye Fatma Ocalan zî roportajêk xo de wina qalê dayîka xo kerdêne: “Wexto ke ma teber de kesêk dir şer bikerdêne, dayîka mi her tim vatêne xo ver bidê. Ma ra vatêne merdim xo ver bido ser keweno. Wexto ke dayîka mi babîyê mi dir zewicya, kênayêke bîn mêrdeyê aye bîn ra estbî. Dayîka mi aye zî ma dir pîl kerd. Dayîka mi pêwa pîlkerdişê ma, mîyanê zîyanî de zî xebityayîne û wexto ke ameyîne keye, karê keyeyî zî kerdêne. Dayîka mi zaf birayê mi Abdullahî ra hes kerdêne. Wexto ke nêweş bikewtêne, her tim verê ey de bî. Birayê mi Abdullah û waya mi Eyne bi şexsê manenê dayîka mi.”

 

Hesret vurna têkoşîn

 

Nuştoxo kurd Musa Anter kitabê xo yê "Hatiralarim (Bîranînên min)" de tewrbîyayîşê Uveyş Ocalan ya kongreya HEP’î ya Anqara de pê amebî de wina vano: “Meymana rumetî amî anonskerdiş. Vatî,  'kalê ma Musa Anter û dayîka ma hemîne Uveyş Ocalan verê ma de yê.’ Salon tay mendibî birijîyo. Her kes semedê destê aye maç bikero kewt rêze. Demê weşî ameyî ciwîyayîş.”

 

Uveyş Ocalan do emser zî 11ê Nîsane de Amara de gorê xo ser bêro yadkerdiş.