MERKEZÊ XEBERAN - Pawitoxa kaybaza kurde Şohra Qemer neql kerd ke hêzê rejîmê Îranî ra cezaya zîndanî rê ameya mehkûmkerdiş. Ame diyarkerdiş ke hemverê qerarî de îtîraz ameyo kerdiş.

 

Avûkata aktora kurde Şohra Qemer, Elî Şerîf Zade Erkanî neql kerd ke Şohra Qemer rê cezaya zîndanî ameya dayîş.

 

Elî Şerîf Zade Erkanî da zanayîş ke 13ê nîsane de, Şohra Qemer ya bajarê Sîne û welatija bajarê Tehranî, hetê Dadgeha Şorişî ya Tehranî ra 4 serrî û 8 aşmî cezaya zîndanî dayê ci.

 

Ame dîyarkerdiş ke aktora kurde bi tometê ‘paştdayîşê Îsraîlî, vilakerdişê babetê zûrî semedê ji paştdayîşê şorişê ‘Jin, Jiyan, Azadî’ û ‘hemverê asayîşê pêro’ ameya cezakerdiş. Avûkate Elî Şerîf dîyar kerd înan qerarî îtîraz kerdê.

 

Erjê vatişî yo ke 5ê tebaxa 2023ine de Şohre Qemer hetê hêzê îdareyê Îtlaatî yê Îranî ra bê fermanê dadgerî amî destbendkerdiş û badê 42 rojan zîndanê Evîne de mende, bi berdêl û bi hawayêko demkî amî veradayîş. Vernîya ci zî semedê paştdayîşê Şorişê ‘Jin, Jiyan, Azadî’ bi 15 aşmî cezaya zîndanî amebî cezakerdiş.