ÎZMÎR - Hemsereka Pêroyî ya DAD’î Kadrîye Dogan da zanayîş ke semedê qirkerdişê elewîyan ê Sûrîye peynî bibo, ganî Sûrîye de paştdayîş semedê demokrasî bêro dayîş û semedê çalakîya ci 24ê Nîsane de bi serkêşîya Înîsiyatîfê Cinîyan ê Semedê Sûrîye Hatay de bikerê, veng dayî.

 

Bajarê Lazkîye, Dera, Suveyda, Hama, Humus û Tartusî de komê girêdayeyê HTŞ’yî, SMO û DAIŞ’î elewîyan hedef girewtî û bi hezaran elewî ameyî qetilkerdiş, cinî û tutî ameyî remnayîş. Goreyê raporê Keyeyê Taqîbkerdişî yê Heqê Merdiman ê Sûrîye (SOHR) yê 15ê nîsane nê bajaran de aşma peyîn de 17 cinî û tutî ameyê remnayîş û 5 elewî ameyê qetilkerdiş.

 

Hemsereka Komeleya Elewiyan ê Demokratîke (DAD) Kadrîye Dogan semedo ke qirkerdiş peynî bibo, vengdayîşê têkoşînê hempar ê cinîyan kerd û va, semedê awankerdişê demokrasîyê Sûrîye ganî desturêk bingehîn yê pêro şaran hewêneno bibo. 

 

Kadrîye Dogan dîyar kerd ke Îdarekarîya Xoserî ya Vakur û Rojhelatê Sûrîye semedê komelêk demokratîk hewl dana û peyaman HTŞ’yî dir îmza kerda, semedê demokratîkbîyayîşê Sûrîye muhîm a.  Kadrîye Dogan va, dawetkerdişê lîderê HTŞ’yî Golanî yê hetê Tirkîya ra ame kerdiş, qirkerdişê elewîyan meşrû keno. Kadrîye Dogan dîyar kerd ke semedê qirkerdişê elewîyan vindero, ganî têkoşînê hempar ê cinîyan bibo û semedê çalakîya ke do 24ê nîsane de Hatay de pê bêro zî veng da.

 

‘Hedefê ma o yo ke ma heme hetan bîyarê têhet’

 

Kadrîye Dogan wina va: “DAD’î verê zî veng da. Bi serkêşîya cinîyanê elewîyan, înîsiyatîf ame awankerdiş. Ma semedê şermezarkerdişê serdayîşê Colanî yê Tirkîya vilawikî vila kerdî. 24ê nîsane de ma Samandagê Hatayî de çalakîyêk organîze kenê. Tewrbîyayîşê cidî babeta vatişî yê. Hêvîdar a pêro kesê ke îmza dayê, 24ê nîsane de uca de bê. Hîrêne şerê dinya yeno ciwîyayîş. Rojhelatê Mîyanên û Tirkîya de ganî aştî pê bêro. Yew hetê tewr zêde hewcedarî bi aştî vînenê elewî yê. Sûrîye de hêrişê elewîyan kerdî.”

 

‘Peymane pozîtîf vînena’

 

Kadriye Dogan dîyar kerd ke bawerîyê cîya herêmê ke binê Îdarekarîya Xoserî Vakur û Rojhelatê Sûrîye de ciwîyenê û HTŞ nêqebûlkerdişî de israr keno. Kadrîye Dogan va, peymana mabêne îdareyê HTŞ û Îdareyê Xoserî de ameyo awankerdiş, muhîm o û semedê demokratîkbîyayîşê welatî gamêke muhîm a.

 

Kadrîye Dogan wina va: “Ganî Sûrîyeya demokratîke biba û çarçewaya desturêk bingehîn ê demokratîke de şert û mercê cuya şaran û baweriyan bêro awankerdiş. Hewcedarî bi desturêk bingehîn ke pêro şaran qebûl keno, est o.”