Oznur Deger

 

ENQERE - Aktîvîsta Efxane Asal Parsî Manîsh, endîşeyê xo yê ke Talîban Efxanîstan bidest kerd arde ziwan û vat: "Ma wazenê her cayê dinya de cinî hemverê koma terorî yê cinîyan de cinîyê Talîbanî sere wedarnenê. Ganî DYA û NATO seba şarê ma û dinya derheqê pêkerdişê ke bi rêxistinê terorî dir kerdê, cewabêk bidê."

 

Dimayê 20 serran ra dima Talîban Efxanîstan reyna bi dest kerd û nê ser o ters û endîşe zêde bî. Bêşik tewr zêde cinîyê Efxanî bi endîşeyîn ê. Talîban Kabîl de aver şi,  hukmatê Efxanî welat terk kerd û leşkerê Efxanî, hemverê Talîbanî şer nêkerdî. Cinîyê Efxanijî dîyar kerdî ke heqê xo teslîm nêkenê û hemverê nê kewtê têkoşîn û xoverdayîşî. Aktîvîsta heqê cinîyan ê efxane Asal Parsî Manîsh ke Almanya de ciwîyena, derheqê rewşa cinîyê efxanan de qisey kerd.

 

'Hemverê Talîbanî de verê ma de bê'

 

Asale dîyar kerd ke rewşa cinîyê Efxanîstanî qet baş nîya û vat: "Ma verê wayê û dayîkanê xo yê Efxanîstanijan de yê. Ma vengê xo berz kenê û nîşan danê ke ma xurt û gane yê. Ma wazenê ke cinîyê her çar hetê dinya hemverê koma terorî ya Talîbanî bê."

 

'Kes Talîban ra bawer nêkeno'

 

Asele dîyar kerd ke Talîbanî rîyê xo yê rast ramojna yo û di cinî bi çimsûrî qetil kerdê û vat: "Vatişê vervatoxê talîbanî û çîyê ke kenê yewbînan rê cîyayê. Kes înan ra bawer nêkeno. Kes bawer nêkeno ke do destê xo nêdê cinîyan."

 

'Ganî DYA û NATO cewab bido' 

 

Asale tewr peyîn wina vat: "Nêverdenê cinîyan bixebitnê, çarşefa sîya înan rê ferz kenê. Semedê nê dinya verê ma de ya. Mecbûr ê verê ma de bê. Ganî fek kiştiş, şîdet, tacîz û çinkerdişê welatê ma ra vera bidê. Ganî DYA û NATO derheqê pêkerdiş bi rêxistinê terorî kerdê, cewabêke bido şarê ma."