Rozerîn Gultekîn

 

STENBOL - Rayberê PKKyî Abdullah Ocalan, 6 aşmî bînî zî cezaya qedexeyê pêvînayîşî avûkatan dir ame birnayîş. Buroyê Huqûqî yê Asrîne do hemverê qerarî, muracatê Dadgeha Destûrê Bingehîn bikero.

 

Rayberê PKKyî Abdullah Ocalan ke 26 serrî yo binê şert û mercê giranî de Zîndanê Padeye yê Tîpê Fyê Asayîşê Berzî yê Îmraliyî de yeno tepiştiş û tepişteyê bînî Omer Hayrî Konar, Veysî Aktaş û Hamîlî Yildirimî rê zî 6 aşmî cezaya qedexeyê pêvînayîşê avûkatan dir ame birnayîş.

 

Avûkatê Buroyê Huqûqî yê Asrînî ke semedo ke Abdullah Ocalanî dir pêvînayîş bikerê, muracatê Dadgerîya Înfazî ya 2yîne yê Bûrsayî kerdî, dîyar kerdî ke 6ê teşrîna peyêne de muwekilê înan 6 aşmî cezaya qedexeyê pêvînayîşî yê newe ameya birnayîş. Derheqê sebebê qedexeyî de agahî avûkatan rê nêame dayîş.

 

Îtîrazê qerarî hetê Dadgeha Cezaya Giran ya Bursayî ra ame redkerdiş. Avûkatî do hemverê qerarê qedexeyî muracatê Dadgeha Destûrê Bingehîn (AYM) bikerê.

 

8 serrî de 14 qedexeyê pêvînayîşî avûkatan rê ame dayîş

 

Tewr peyîn 3ê Gulana 2024ine de semedê Abdullah Ocalanî 6 aşmî pêvînayîş avûkatan rê ame qedexekerdiş. Sewbîna îtirazê semedê nê qedexeyî zî ame redkerdiş.

 

Qedexeyo ke wextê Rewşa Awarte yê temmuza 2016ine de amebî neqlkerdiş, heta sibatê 2018ine dewam kerd. Badê nê tarîxî pêvînayîşê avûkatan her reye 6 aşmî ame qedexekerdiş. Qerarê peynî yê  qedexeyî dir, mîyanê 8 serranê peyînan de tewr tay 14 rey pêvînayîşê avûkatan dir ameyo qedexekerdiş.

 

Pêvînayîşê keyeyî dir zî bi eynî qerarê qedexekerdişî, yenê astengkerdiş.