ANQARA - Wezîrê Edaletî Yilmaz Tunçî derheqê muracatê DEM Partîye ya semedê pêvînayîşê bi Rayberê PKKyî Abdullah Ocalanî de qisey kerd û vat: “Xebatê ma yê semedê dîyarkerdişê roja misaîdî dewam kenê.” 

 

Wezîrê Edaletî Yilmaz Tunçî derheqê muracatê Hemserekê Pêroyî yê DEM Partîye Tulay Hatîmogûllari û Tuncer Bakirhanî yê semedê pêvînayîşê Rayberê PKKyî Abdullah Ocalanî dir, persanê rojnamegeran cewab kerd. 

 

Wezîr Yilmaz Tunçî, vernîya pêvînayîşê bûdçeyê Heyetê Pêroyî yê Meclisî de eşkerayîye da û semedê persa derheqê muracatê hemserekanê DEM Partîye de wina vat: “Proses dewam keno. Xebatê ma yê semedê dîyarkerdişê roja misaîdî dewam kenê. Ma do şima dir pare bikerê.”  

 

Yilmaz Tunçî, perdê rojnamegeran ê “Gelo do demêk nêzî de bibo?” zî cewab nêkerd.