STENBOL - Bi sebebê "Cezaya disiplînî" 3 aşmî bîn jî cezaya qedexekerdişê pêvînayîşê Rayberê PKKyî Abdullah Ocalanî ame birnayîş ke 38 aşmî yo tu xebere ci ra nîna girewtiş.

 

 

Rayberê PKKyî Abdullah Ocalan û Omer Hayrî Konar, Hamîlî Yildirim û Veysî Aktaş yê ke Zîndanê Îmraliyî de yê û 38 aşmî yo tu xebere înan ra nîna girewtiş, 3 aşmî bîn zî qedexekerdişê pêvînayîşî ame birnayîş.

 

Dadgerîya Înfazî ya Bûrsayî, muracatê avûkatan û keyeyan ê seba pêvînayîşî cewab kerd. Dadgerîye dîyar kerd ke 28ê Adare de Serekîya Heyetê Disiplînî "cezaya disiplînî"  Abdullah Ocalanî rê birnaya. Ame zanayîş ke qerar 12ê nîsane de qetî bîyo.  

 

Avûkatan neql kerd ke prosesê bê înan ameyo kerdiş û 26ê Nîsane de muracat kerdê ke qerar pêwa dosya û delîlan teslîmê înan bêro kerdiş. Labelê muracatê înan ame redkerdiş. Sewbîna îtirazê parêzeran ê seba qerarê "cezaya disiplînî" zî ame redkerdiş. 

 

38 aşmî yo bi tu hawayî xebere Rayberê PKKyî Abdullah Ocalanî û her hîrê tepişteyê bînan ê Zîndanê Îmraliyî ra nîna girewtiş.

 

amd-07-05-24-dem-parti-basin-aciklamasi (4).JPG görüntüleniyor.