Derya Ren 

 

RIHA - Ji Fermandara YPJ'ê Viyan Adar ku derbarê 4'ê Nîsanê damezrandina YPJ'ê de nirxandinan kir, diyar kir ku rojbûna Rêberê Gelê Kurd Abdullah Ocalan, zayîna  jinan e û got: " YPJ’ê li dijî DAIŞ’ê şerekî mezin da meşandin. Me zîhniyeteke ku jinan paşguh dike qebûl nekir. Li eniya pêş me bi biryardariyeke mezin li ber xwe da."

 

YPJ’nin kuruluşu olan 4 Nisan’a dair değerlendirmelerde bulunan YPJ Komutanı Viyan Adar, Kürt Halk Önderi Abdullah Öcalan’ın doğumun tüm kadınların doğumu olduğunu ifade ederek, 8 Mart’ta Kürt Halk Önderi’nin kadınlara gönderdiği mesajı ilişkin “Bizler de YPJ olarak kendimize esas alıyoruz. Çünkü kadınlara büyük bir rol veriyor” dedi

 

Yekineyên Parastina Jin (YPJ) di 4’ê Nîsana 2013’yan de li Rojava bi armanca avakirina hêzeke taybet a parastina jinan hate avakirin. Armanca YPJ'ê ne tenê têkoşîna leşkerî ye; her wiha artêşeke jinê ye ku di çarçoveya rêgezên azadî û wekheviya jinê de hatiye avakirin. YPJ’ê dema ku bi berxwedana xwe ya li dijî DAIŞ’ê navê xwe li cîhanê dide nasîn, bi paradîgmaya xwe ya azadiya jinê rêya têkoşîna jinê ronî dike. 

 

Derbarê mijarê de ji fermandarên YPJ'ê Viyan Adar ji ajansa me re axivî. 

 

Viyan Adar, diyar kir ku rojbûna Rêberê Gelê Kurd rojbûna jinan e û got: "Em rojbûna hemû jinên berxwedêr bi taybet li Rêber Apo pîroz dikin. Ji ber ku îro şervanên YPJ'ê li eniya şer li ber xwe didin, li aliyê din jinên li qadên din li ber xwe didin hene, ez 4'ê Nîsanê jî li wan pîroz dikim. 8'ê Adarê bi coşeke mezin hat pêşwazîkirin û peyama Rêber Apo ya 8'ê Adarê ji jinan re şand gelekî girîng bû. Weke YPJ jî em xwe li ser vê esas digirin. Ji ber ku roleke mezin dide jinan"

 

Li Sûriyê mafê jinan

 

Viyan Adar, daxuyand ku beriya Şoreşa Jinê ya Rojava, li Sûriyeyê mafê me jinan tunebû û wiha axivî: "Destûr nedan ku kurd li tu derê beşdar bibin. Bi înkar û îmhayê re rû bi rû bûn. Nasname nedan kurdan. Ev û gelek polîtîkayên îmhayê hatin meşandin. Jin di bin vê zilmê de hîn bêhtir dihatin tepisandin. Serhildan ku di 12'yê Adara 2004'an de ji aliyê Kurdên Sûriyeyê ve hat avakirin, xwedî cihekî girîng bû. Piştre jî girîng bû ku li hemû bajarên ku Kurd lê dijîn belav bibe. Êdî Gelê Kurd serî hildabû û jin bûn pêşengên vê serhildanê. Bi vê bûyera Serhildan re rêya şoreşê vebû."

 

'Di 4 Nîsanê de avakirina YPJ'ê'

 

Fermandar Viyan Adar, wiha bal kişand ser rêxistinbûnê: "Di qonaxa yekemîn de di sala 2011’an de weke YXG hate birêxistinkirin. Di nava yekîneyên biçûk de parastina çekdarî hate avakirin. Û me bandora van yekîneyên jinan di civak û parastinê de dît. Di qonaxa yekem de H. Bêrîvan û Silava di nava vê rêxistinê de cih girtin. Bêrîvan dayikeke baş bû. Perwerdeyeke mezin negirtin, lê li eniyên şer, şer kirin. Dema her du şehîd ketin, ji bo jinên kurd bûn mînak û nîşaneya biryardariyê. Piştî şehadeta her du hevalan tevlîbûna jinan bi biryartir bû. Di encama tevlîbûna mezin a jinan de me YPJ ava kir. Me li Efrînê yekem tabûra bi navê Şehir Ruken ava kir. Piştî têkoşîna Bêrîvan û Silava me soz da ku em ê bi îradeya xwe bimeşin, me dest bi mezinkirin û avakirina tabûrên YPJ'ê li her derê kir. Me di 4’ê Nîsana 2013’yan de yekser piştî avakirina tabûran avakirina YPJ’ê ragihand."

 

'Ger jin israr nekira civak nediguherî' 

 

Viyan Adar, daxuyand ku piştî avakirina YPJ'ê gelek hemle hatin destpêkirin û wiha bi lêv kir: "Rola jinan careke din derket holê. Ger jin israr nekira di civakê de tu guhertin pêknedihatin. Tevlîbûna jinan a şer gelek tişt guhert. Belê, jin di dîrokê de di nava şer de cih girtine, lê bi awayekî rêxistinî û artêşî beşdar nebûne. Avakirina YPJ’ê mînakek e. Û bi YPJ’ê re guhertinek mezin çêbû. Ev jî bû sedema guhertina feraseta olî, zayendperest, nijadperest û neteweperest. Guhertinên zîhniyetê jî çêbûn û ev jî bû bandora leşkerîbûna YPJ’ê. Tevlîbûna jinê ya artêşbûnê jî tê wateya avakirina dualîbûnê. Ev dualîtî cudahiyan derdixe holê û dibe ku bibe xwedî jiyaneke nû. Îro bi saya bandora YPJ’ê jin pêşengiya berxwedana Tişrînê dikin." 

 

'Şervanbûn bê îdeolojî û raman nabe'

 

Viyan Adar, diyar kir ku şervanbûn bê îdeolojî û raman nabe û wiha bal kişand ser mijarê: "Ger zanîna we tune be, hûn nikarin biparêzin. Parastin îdeolojîk e. Em xwe dispêrin îdeolojiya jiyana azad û jiyana hevjîna azad ku Rêber Apo pêşkêşî hemû jinan kiriye. Em weke YPJ ne tenê di warê leşkerî de, di warê bîrdozî de jî xwe jêhatî dikin. Em ji bo îdeolojî û felsefeyekê têdikoşin. Mînak di şeran de dîl tên girtin. Lê ev êsîr tên îşkencekirin û qetilkirin. Bi avakirina artêşeke ji aliyê YPJ'ê ve, ji bo pêşîgirtina li sûcên li dijî mirovahiyê yên di şer de hatin kirin, pêşketineke mezin derket holê. Dema şer ji îdeolojiyê qut dibe, hovîtî û komkujî çêdibe. Divê îdeolojî jî xwedî exlaq be. Ger di îdeolojiyê de exlaq nebe, îdeolojî jî nabe. Em wek YPJ vê yekê bi temamî red dikin. Û weke YPJ’ê li ser vê bingehê perwerdeya me ya leşkerî û bîrdozî heye. Herdu ji hev nayên veqetandin."

 

'Armanca me ya têkoşînê azadiya me ye'

 

Viyan Adar, destnîşan kir ku YPJ’ê li dijî DAIŞ’ê şerekî mezin da meşandin û got: "Ev yek li ber çavên hemû cîhanê qewimî. Me zîhniyeteke ku jinan paşguh dike qebûl nekir. Me zîhniyeta DAIŞ’ê ya ku sûcê li dijî mirovahiyê bi taybet jinan kir, qebûl nekir. Ji bo vê jî me li eniya pêş bi biryardariyeke mezin li ber xwe da. Weke YPJ’ê me li dijî DAIŞ’ê ku ji bo hemû cîhanê bûye xetere şerekî mezin meşandin. Di encama vî şerî de dengê wî li hemû cîhanê deng veda. Me şer nekir ku li cîhanê deng vebe. Armanca me ya têkoşînê azadiya me ye."

 

'YPJ’ê bandoreke çawa li jinên cîhanê kir?'

 

Fermandar Viyan Adar, da zanîn ku li dijî hemû zihniyetên ku azadiyê asteng dikin têdikoşin û wiha nêrînên xwe anî ziman: "Weke YPJ’ê, me DAIŞ’a ku ji bo hemû cîhanê xeter bû, xist bin kontrola xwe. Ev têkoşîna YPJ’ê bandorek mezin li tevgera Femînîst kir. YPJ’ê bandoreke çawa li jinên cîhanê kir? Helbet bi têkoşîna xwe ev yek kir. Eger li cihekî din rêxistinbûneke xurt a jinê hebûya, em ê jî jê bandor bibûna û îlham bibûna. Lê YPJ’ê ji jinên cîhanê re bû îlham. Gelek lêkolîn û nîqaş çêbûn. Ji ber ku em hewl didin bi jinên cîhanê re hêzeke navneteweyî ava bikin. Em zîhniyeta ku jinan ji nedîtî ve tê, bi hevgirtina navneteweyî tune dikin. YPJ’ê pergala jiyanê afirand û disîplîn kir. Weke YPJ em amade ne ku ezmûnên xwe parve bikin. Ji ber ku felsefeya me heye; Tecrubeya me ya leşkerî û teknîkî jî heye."

 

'Em afrandina jina azad diparêzin'

 

Viyan Adar, destnîşan kir ku avakirina YPJ’ê têkoşîna ji bo afirandina jinên azad e û wiha dawî li axaftina xwe anî: "Felsefeya ku YPJ'ê xwe li ser ava kir, felsefeya azadiya jinê bû. Heta jin azad nebe civak azad nabe. Lêkolîn, nîqaş, pêşxistina îdeolojiyê ev hemû dibin sedema afirandina kesayetek nû. Em ne tenê di qada leşkerî de hebûna jinê diparêzin, em afirandina jina azad diparêzin. Erê her kes dijî, lê jiyana rast, jiyana watedar çi ye? Weke YPJ’ê em hewl didin bersiva van pirsan bidin. Em hewl didin ku felsefeya Rêber Apo hîn zêdetir pêş bixin. Jin divê li hemû qadan xwe pêşve bibe. Mînak ekolojîk, bîrdozî, leşkerî, dîplomasî, siyasî, çandî û hwd ji ber ku azadî pir berfireh e. Em di wê baweriyê de ne ku bi avakirina jina azad wê civakek azad ava bibe. Ji ber ku di serî de jin hat kolekirin. Lewma bi azadiya jinê re civak jî azad dibe. Bi têkoşîna xwe em ê azadiya hemû gelan misoger bikin."