AMED - Avûkate Berîvan Turan derheqê dewaya Îpek Er de dîyar kerd ke raporê ATKyî objektîf o û vat: "Dozgerî rêze ra û hema semedê çîyêk ramojno, îdianameyêk amade kerdo û dadgehe zî sere ra heta ewro faîlî pawena."

 

Çawişê pispor Mûsa Orhan Sêrt de desteştişê Îpek Er kerdibi û Îpek Er semedê nê peynîya cuya xo arde bî. Mûsayo tecawuzker sûcê “hêrişê cinsî yê biwesf” bê tepişte yeno muhakemekerdiş. Roniştişê 4in ê dewa 1in Dadgeha Cezaya Giran ya Sêrtî de ame vînayîş. Endama Komîsyonê Cinîyan ê Komeleya Huqûqnasê semedê Azadîye (OHD) û Endama Heyetê Îdarekarîya Merkezî yê Heqê Cinîyan ê Baroyê Amedî avûkate Berîvan Turan bale ant serê roniştişî.

 

Berîvane, dîyar kerd ke roniştiş de  dadgehe adilane tênêgêrena û vat: "Ma her tim hetgirê pawitişî yê. Eke  kes xo bi hizûr hîs bikero, eşkeno wina qisey bikero. Labelê  kesê ke mexdûr bîyê û kesê ke mexdûran pawenê, roniştiş de yenê sûcdar kerdiş. Roniştiş de her tim keyeyê Îpeke û Îpeke ameyî astengkerdiş. Sewbîna avûkatê Mûsa zî her tim vatêne, 'Ez hurmet şima rê nêmojnena ra."

 

Berîvane wina vat: "Raporo ke ATK ra ameyo objektîf nîyo. Çend Îpeke çîyê ke cuyaya vato zî nêşawitê verê psîkolog. Çîyo ke hewce nêameyo kerdiş û bîyê sebebê întîxarê Îpeke. Wexto merdim heme çîyan ewnîyeno û vîneno ke dadgerî hemverê cinîyan xoser nîyo. Tîya de hişmendîyê ke sûcdar ê cinî yê û yê  ke şerm bikero cinî ya. Tîya hewl danê ke cinîyan sucdar bikerê. Çi heyf ez bawer a ke roniştişêk bîn de Mûsa Orhan do beraat bikero, do kêmbîyayîşê delîlan bahane bikerê û no îhtîmal zaf zêde yo. La ganî bêro zanayîş ke ma do taqîbkerdoxê na dewa bibê û ma do têkoşînê cinîyan dewam bikerê. Sewbîna ma do her roniştişê dewa de tîya bê û semedê edalet bi ca bêro, çi bikewo serê milê ma ma do bikerê.