RIHA - Emîne û Ferît Şenyaşar yê ke 196 rojî yo verê Edliyeyê Rihayî de nobeta 'Edaletî' dewam kenê, dîyar kerdî ke kesê bi rûmet bê do nêeşkê hemverê qirkerdişî bêveng bimanê.

 

Nobeta 'Edaletî' ya Emîne û Ferît Şenyaşar ke 9ê Adare de dest pêkerd, roja 196ine de dewam kena. Emîne û Ferît ameyî cayê sey "Quncikê Edaletî yê Keyeyê Şenyaşarî" yeno binamekerdiş û bi dowizê bi nuşteyê "Ma semedê her kesî edalet wazenê" dest bi nobete kerdî.

 

'Ma nêeşkenê roşê û vinderê' 

 

Keyeyî serê hesabê xo yê dîjîtalî de wina vat: "Edlîyeyê Rihayî de edaletê kesê zalim û bi hêz derbaz beno. Ma nêeşkenê roşê û pabe bê hîn vejîyê û nê bêedaletî werte ra wedarnê. Ma do nê zulmî bi paştdayîş peynî bikerê. Têkoşînê ma yê heqî roja 196ine de yo."