MERKEZÊ XEBERN - Goreyê raporê Rêxistina Efûyî ya Mîyanneteweyî Meksîka de her roje des cinî û tutê kênayî yenê kiştiş. 

 

Raporo ke Rêxistinê Efûyî yê Mîyanneteweyî vizêrî weşêna, hem sewîyeyê şîdetî hem zî xemserdîyê selahîyetdarê Meksîkayî semedê vernîgirewtişê kiştişê cinîyan bi rengêk somut fîneno verê çiman.

 

Raporê bi nameyê Justice on Trial de ame vatiş, "Meksîka semedê asayîşkerdişê heqê cuye yê  mexdûran û vernîgirewtişê hemverê cinîyan de hema zî serkewte nîyo.” Rapor de ame vatiş, "Nêserkewtişê serê babeta vernîgirewtişê kiştişê cinîyan parçeyêk rastîyê pêroyî yê Meksîkayî yo."

 

Meksîka de serra 2020 de 3 hezar û 723 cinî ameyî kiştiş. Nînan ra tena 940 kiştişê cinîyan ame cipersayîş.