Melîke Aydin 

 

ÎZMÎR - Menga teşrîna peyêne de yeno plankerdiş ke Konferansa Îklîmî yê NYî bêro kerdiş. Vernîya konferansî de ekolojîst û rêxistinê derûdorî do xeylêk şaristanê dinya de çalakiyan bikerê. 25ê êlule de zî do Alsancak ê Îzmîrî de çalakî bêrê kerdiş. Hacer Yeşîlçay ya DSÎPyije dîyar kerd ke vernîya germbîyayîşê global nêro girewtiş do dinya de cayê ciwîyayîşî nêmano.

 

Panelê Vurnayîşê Îklîmî yê Mabêne Hukmatan (IPCC) yê girêdayê Neteweyê Yewbîyayî (NY) derheqê vurnayîşê îklîmî de ercnayîş kerd. Rapor de ame vatiş ke do germbîyayîş 2030 de 1,5 derece zêde bibo û vat vurnayîşê îklîmî berardişê merdimayî yo.

 

Partîya Karkerê Sosyalîstê Şorişgêr (DSÎP) Hacer Yeşîlçay dîyar kerd ke germbîyayîşê global do 2030 de derece û nîmeyî derbaz bikero û semedê çalakî do 25’ê êlule de Alsancakê Îzmîrî de hemverê germbîyayîşê global virazî yo û vengdayîşê tewrbîyayîşî kerd.

 

‘Tu game semedê caardişê pêkerdişî nêame eştiş’

 

Hacere vat, bi ziwabîyayîşê gol û çeman, wiştişê laseran, şewatê daristanan dir krîzê îklîmî xo tewr zêde dayo hîskerdiş û vat, Pêkerdişê Îklîmî yê Parîsî 2015ine de Parîs de ameyo meydan û heta nika, sozê ke semedê germbîyayîş derece zêde nêbe soz ameyo dayîş û vat: “Mabêne ra 6 serrî derbaz bi, babeta ke vernî de kêmbîyayîşê gazê karbondîoksît nêame girewtiş û tu game nêamî eştiş. Çîyê nika yenê ciwîyayîş zî netîceyê zêdebîyayîşê germbîyayîşê 1.1 dereceyî yo.”

 

Do prosesê konferansî de çalakî bêrê kerdiş

 

Hacere dewam de vat, binê nê şert û mercan de do menga teşrîna peyêne de Konferansê Îklîmî yê NYî bêro kerdiş û tîya de yeno hedefkerdiş ke vera Pêkerdişê Parîsî, pêkerdişêk bîn bêro îmzakerdiş û wina vat: “La şîrketê veşayîşî yê fosîlî trîlyonan qezenc kenê, semedê qerarê vera înan nêrê vetiş, teda hukmatî kenê. Ma zî nê prosesî de cayê ke manenê de wazenê mudaxîl bibê. Semedo ke peynîya vilabîyayîşê karbondîoksîtan bêro, ma do 25ê êlule de Alsancak û 6ê teşrîna peyêne de zî bêrê têhet.