RIHA - Emîne û lajê xo Ferît Şenyaşar ke nobeta xo ya edaletî dewam kenê, veng dayî Meclîsî kerdî û vatî: "Ma wazenê bêedaletî ganî peynî bibo."

 

Çalakîya “Nobeta Edaletî” ya keyeyê Şenyaşarî vernîya Edliyeyê Rihayî de roja 207ine de dewam kena. Keyeyî nobete xo de dşyar kerdî ke bi 207 rojî yo bendeyê cipersayîşêk bi bandorî yê û muhakemeyêk adîlane yê. 

 

Keyeyî dewam de vat: "Nêweşxaneyê Dewlete ya Pirsûsî de 3 merdimî ameyî qetilkerdiş. 3 serrî û 3 mengî serê qirkerdişî ra derbaz bi. Pêwa nê zî dozgerê ke hema dewa nêkerdê a, bi no hawa benê hemkarê qirkerdiş û sûcî. No têkoşîn êdî têkoşînê ma tena nîyo. Welat de her kes paştdayîş dano têkoşînê ma. Ewro meclîs abi. Heme partîyê sîyasî ke dewaya ma heqdar taqîb kenê, ganî meclîsî de babete sereyîn na dewaya ma bo. Ma do heta peynî têkoşînê xo dewam bikerê."

 

Vengdayîşê meclîsî ame kerdiş

 

Keyeyî akerdişê meclisî ard vîr û vat: "2 waştişê ma estê. Yewin ma wazenê tepişteyê ma serbest bêro veradayîş. Diyîn zî ma nêwazenê sûco ke nêweşxane de ame kerdiş, serê ci bêro padayîş. Coka ma veng danê parlamenterê ke Meclîs de yê. Ma wazenê nê nêheqîyê Edliyeyê Rihayî tewr rew bêro peynîkerdiş."