ENQERE - Tepişteya nêweşe Dîlber Tanrikulu bi rayîrê mektuba ke şawite  ÎHDyî wina vat: "Doktor vera ke nêweşîya mi biperso vano,  ‘Ti kewta mîyanê pêrodayîşî? Ti û kam pîya pêrodayîş kerd? Çi karê to uca de estbi? Bi nê persan ez derman kerda."

 

Tepişteyan ra yewe zî Dîlber Tanrikulu ya ke zîndanê Cinîyan ê Sîncanî de tepişte ya, gulanê 2016 de Nisêbînê Mêrdînî de ameye destbendkerdiş, bi îdiayê ‘yewîya welat xira kerda’ ameye tepiştiş, şawitî Zîndanê Tîpê E yê Mêrdînî. Roniştişê 3yê Kanûna 2019 ê 4in Dadgeha Cezaya Giran de ameye vînayîş de bi îdiayê sûcê ‘yewîya welatî xirakerdiş’ muebet, ‘qestî kes kiştiş’ 16 serrî ceza, bi îdiayê ‘zirar dayo malê îstîmlakî' 3 serrî û bi idiyê ‘madeyê bi tehluke bê destûr gêrênayîş’ 7 serrî ceza ci rê ameye dayîş. Dîlbera ke parçeyê şarapnelî bedenê ci de esto, 2017 de neqlê Zîndanê Cinîyan ê Sîncanî kerdebî.

 

Dîlbera ke 4 serrî yo Sîncan de tepişteya, ÎHDyî rê mektube şawit û derheqê binpaykerdişê heqan, problemê weşîye de qisey kerd. Mektube de wina ame vatiş:  

 

"4 serrî verê Zîndanê Tîpê E yê Mêrdînî de bi sebebê dermankerdişî sewqê zîndanê Sîncanî ameya kerdiş. La  pêwa nêweşîya mi tu doktorî mi baş derman nêkerd. Heta nika ez bi metodê xo aver şîya.  La dejê mi esto, protezê mi, mi zaf dejnenê. Şertê mi werte de yê. Heta nika çîyo ke ez zelal zana protezê kulîmekî yo. Problemanê ke ez ciwîyena bi kilmî yew bi yewe vajî;

 

Ez cuya rojane de probleman ciwîyena!

 

Protezê kulîmekê mi esto. Semedê nê cuya rojane de probleman ciwîyena. Milê min ê rastî de parçe esto, semedê nê her tim nêeşkena milê xo bi xebitnî. Qelbê mi de problem esto. Pêwa nê probleman tedbîr nînê girewtiş. Her reyê ke şîya doktor (semedê pandemî serrêke û nîm bi nêşîne) hema wina ser ra derbaz bîne. Mi doktorî ra pers kerdêne ez senî bikerî, senî dîqet bikerî. Doktorî cewabê; 'Do wina bimano, ganî ti nêkewê. Do dejê to tim bibo, çareserî çin o.' Xeylê xo vatişê wina xebitnenê. Nika rewşa mi wina şêro do nêweşîya mi aver şêro. Ez nîna dermankerdiş. Semedê parçeyê milê mi de zî vanê çîyêk nîno kerdiş.

 

Ez nêeşkena milê xo bixebitnî

 

Mi doktorê ortopedîyê kampusê Sîncanî ra nêweşîya xo vatibi. Mi vat, ez wazena parçeyê milê xo bigîrî, zirar dano mi. La vat, ‘Semedo ke este de yo zehmet o, wa uca de bimano.’ Roj bi roje milê mi giran beno ez nêeşkena çîyêk bikerî.  

 

Şertê nêbaş de mi berdî nêweşxane

 

18ê Tebaxa 2021 de ez şîya doktorê  ortopedîyê ê nexweşxaneyê Sîncanî. Qelbê mi nêreht o. Pêwa nê rîngê yew kesî ardî. Şertê nêbaş de mi berdî nêweşxane. Seke yeno zanayîş rîngê yew kesî de merdimî nêeşkenê têbigeyrê. Ca teng û bê hawa yo. Yanî no îşkence yo. Helwestê doktor zî sey doktorê bînan serd û bêwaştiş bi. Pêwa nê seba ke wezîfeyê xo bikero, cipersayîş kerd. Goreyê nasnameyê sîyasî nêzdîyê mi bi.

 

Doktorî cipersayîş kerd

 

Mi doktorî ra vat, protez sist bîyo, vîdayê ci reyan mi dejnenê. Doktorî vat, ‘ti ser de nêkoyî ra, do to aciz nêkero.' Reyan ez nêwazena zî merdim ser de rakeweno.  Pêwa bêhîsgêrîyê doktorî mi nêweşîyê xo vat. Mi vat, parçeyê milî zî mi nêrehet keno. Doktor vera ke  nêweşîye mi dir eleqeder bibo, persê sey; ‘ti kewta mîyanê pêrodayîşî? To û kam pîya pêrodayîş kerd? Çi karê to uca de estbi? pers kerd.

 

Ez wazena heqê weşîya xo bixebitnî

 

Netîce de reyna ez bênetîce agêraya. Dimayê nê bêberpirsyarî, di dermanî nuşt. Demo ke ez vejîyayîne, gardîyan ra vat ‘eke biecibno wa bixebitno, eke  nêecibno wa nêxebitno. Wa reyke bîn zî nêro.' Wezîfeyê doktorî oyo ke çi beno wa bibo nêweşe derman bikero. La doktorî goreyê nasnameyê ma nêzdî benê û heqaret kenê. Doktorî bi sond û bêhetbîyayîşê xo yenê zanayîş. La nika no çî rawuşto. Netîce de ez wazena heqê xo yê weşîye bixebitnî. No heqê min o sereyîn o."