ŞIRNEX - Bi desan cenazeyê HPGyîjan ke pêrodayîş de dinyaya xo bedilnenê, goristanê Bahçelîevlerî yê Şirnexî de bi hawayêke komî yenê definkerdiş.

 

Herêma Besta, Gabar û Cudî û ya Şirnexî de şer û pêrodayîşê xidarî mabêne artêşa tirkî û HPGyîjan de qewimyenê. Netîceyê nê pêrodayîşan de leşker û HPGyîjî dinyaya xo bedilnenê û cenazeyê HPGyîjan bi aşman morgê Nêweşxaneyê Dewlete ya Şirnexî de yenê vindarnayîş. 

 

Keyeyê ke semedê teşhîskerdişê cenazeyê tutanê xo yenê nêweşxaneyê bajarî, bi aşman yenê meşgûlkerdiş û cenazeyî teslîmê înan nînê kerdiş. Dimayê ke bi aşman nêweşxane de yenê vindarnayîş, dima ra goristanê bêkesan de yenê definkerdiş. Nê goristanan ra yew zî goristanê taxa Bahçelîevlerî ya merkezê Şirnexî yo. Verê 32 cenazeyî goristan de bî, la nika hûmara cenazeyê ke goristan ra vejîyayê 69ê. Vejîya werte ke cenazeyî bi hawayêke komî pê ser ameyê definkerdiş. Yeno dîyarkerdiş ke rojê peyînan de  seate 01:00 şewe de cenazeyan vera wesayîtê cenaze, bi wesayîtê zirxî anê û bi hawayêke komî defin kenê. 

 

Roniştoxê taxe ke semedê asayîşî nêwaşt nameyê xo bido, vat; rojê peyînî de her roje cenazeyan bi wesayîtê zirxî anê goristan de defin kenê û wina qal kerd: "Cenazeyan bi roj nêanê. Saete derûdora 01.00ê şewe anê. Çar cenazeyan eştî pê ser û kerdî gorêke. Ca de nêverdenê ma bikewê goristan. Wexto ke ma konê ci zî nêverdenê ma şêrê serê goristanê ke hûmara serê înan de ameya nuştiş.