AMED - Merkezê Kulturê Dîcle Firatî qeydê demê neweyî rî bi rî dest pêkerd. Îdarekara Merkezê Kulturî Kîbar Suvarî wina vat: "Semedê wayîrvejîyayîşê kulturî ganî pêro cinî, tûtî û ciwanî tewrê qursan bibê."

 

Merkezê Kulturê Dîcle Firatî dimayê  ke vîrusê korona (Covîd-19) Tirkîya û herême de ame vînayîş, xebatê kultur û hunerî bi perwerdeyîyê onlîne dewam kerdî. La dimayê tedbîrê pandemî kewt sewîyeya normalbîyayîşî, merkez qerarê perwerdeyê rî bi rî da. Dersê; resim, saz, gîtar û xeylêk beşê bînan de dersî bêrê dayîş û qeyd zî heta 22yê teşrîna verêne dewam bikero.

 

'Ma dersê xo bi onlîne dewam kerd'

 

Îdarekara Merkezê Kulturê Dîcle Firatî Kîbar Suvarî vat, vernîya pandemî û dimayê ci demêk dersê onlîne kerdê û wina dewam kerd: "Vernîya pandemî qursê ma yê dewam kerdêne bî. Bi pandemî dir ma onlîne dewam kerd. Demê  normalbîyayîşî de ma demêk bîn zî onlîne kerd."

 

'Ma do xeylêk wareyande qursan bidê'

 

Kîbare wina qal kerd: "Nika bi normalbîyayîşî dir ma do rî bi rî perwerde bidê. Semedê nê qeydê ma destpêkerdî. Qursê; saz, gîtar, keman, santur, resim, erbane, perkusyon û folklor bêrê destpêkerdiş. govendê wê bên destpêkirin. Nê prosesî de semedê cinî, tutî û pîlan perwerde bêro dayîş. 2003 ra heta nika merkezê ma de xeylêk wareyan de qurs û atolye yenê dayîş. Merkezê ma de xeylêk wareyan de perwrede ame dayîş. Çarçewaya festîvalan de atolye ameyî viraştiş. Xeylêk kesî bî hunermend. Nika ê hunermendî wareyê hunerî de perwerde danê. Ma zî xebatan kenê."

 

'Ma hewl danê kulturê xo dewam bikerê'

 

Kîbare tewr peyîn qiseykerdişê xo de wina vat: "No cayêk tarîxî yo, ma tîya mîyanê ercê kulturî de perwerde danê. Eynî wextî de ma kulturê xo danê ciwîyayîş. Ma veng danê pêro cinî, tutî û ciwanan ke tewrê qursan bibê."