RIHA - 222 rojî yo çalakîya "Nobeta Edaletî" ya Keyeyê Şenyaşarî dewam kena. Keyeyî ewro nê mesajî da: "Ma do pîya edalet bi ca bîyarê."

 

Keyeyê Şenyaşarî ke hîrê ferdê keyeyî hêrişê merdim û pawitoxê Parlamenterê AKPyî yê Rihayî Îbrahîm Halîl Yildiz ra ameyî qetilkerdiş, 222 rojî yo verê Edliyeyê Rihayî de çalakîya Nobeta Edaletî dewam kena. Emîne Şenyaşar û lajê ci Ferît Şenyaşar semedê peynîya hewteyî, çalakîya xo ya nobete ewro keyeyê zo yê qezaya Pirsûsî de dewam kenê.

 

Keyeyî serê hesabê xo yê medyaya dijîtalî de nê pare kerd: "Heta ke heq, huqûq û edalet bi ca nêro, ma do têkoşînê xo bêmabên û bi qerar dewam bikerê. Ma do pîya edalet bîyarê."