Şehriban Aslan

 

AMED - Avûkata Ayşe Gokkan ke 30 serrî ceza ameye dayîş, Berfîn Gokkan serê cezaya Ayşe Gokkan de vat, dadgehe roja ewilî de qerar dabî ke ceza bido û muhakemeyêk adîl nêame kerdiş.

 

Dadgehe 30 serrî cezaya zîndanî da Vervatoxa Demî ya Tevgerê Cinîyan ê Azadan (TJA) Ayşe Gokkan ke 9in Dadgeha Cezaya Giran ya Amedî de ameye muhakemekerdiş. Heqê pawitişî hetê dadgehe ra ame sabotekerdiş. Avûkata Ayşe Gokkan, Berfin Lutfîye Gokkan derheqê cezaya Ayşe de ercnayîş kerd.

 

'Roja ewilî ra dadgehe semedê ceza bido Ayşe qerar dabî'

 

Berfîne dîyar kerd ke dadgehe bi hawayêke adil nêzdîyê dosyaya Ayşe nêbî û vat: "Dadgehe fikr, kîn û nefretê xo eşkera kerd. Ayşe pawitişê ziwanê bi kurdkî waştibî la waştişê aye yê tercumantî amebi astengkerdiş. Dadgehê hêrişê Ayşe kerd û bi hawayêke baş Ayşe goşdarî nêkerd. Roja ewilî ra dadgehe semedo ke ceza bido Ayşe qerar dabi.

 

Nuşteyê Ayşe sûc ameyê hesibnayîş

 

Berfîne vat, semedê Ayşe hîrê rey muracatê AYMî kerdê û wina vat: "Nêeşkenê hem endamîya rêxistine hem zî hetkarî ra ceza bêrê dayîş. Ma bawer ê ke na dosya îstinaf de bêro xirakerdiş. Nuşte û demeçê ke Ayşe dayê çapemenî sûc ameyê hesibnayîş. Nê çî xora nimte nêkerdê. Dosyayê ke kerdê yew de reynakerdiş zaf esto. Nê xisûsî de merdim eşkeno dadgehêke serê nê de xira bikero."