RIHA - Avûkatan Dewaya Qirkerdişê Pirsûsî de waştişê pawitişê hemverê mutalayê dozgerî hetê dadgehe ra ame redkerdiş.

 

Qezaya Pirsûsî ya Riha de endamê Federasyonê Komeleyê Ciwanan ê Sosyalîstan (SGDF) 20ê Temmuze temmuzê 2015 de tutanê Kobanê rê pêkayan biberdêne. DAIŞî verê Merkezê Kulturî yê Amara de hemverê ciwanan hêrişê bomba kerd û 33 ciwanî dinyaya xo bedilnabî. Dewa derheqê qirkerdişî de dewam kena. Roniştişê 21in ê Dewaya Pirsûsî 5in Dadgeha Cezaya Giran ya Rihayî Kampûsê Zîndanê Rihayê Tîpê T de yeno kerdiş. Roniştiş bi wendişê nasnameyan dest pêkerd.

 

Baroyê Semsûrî waşt ke daxilê dewa bibo, la dadgehe waştiş red kerd. Dozgerî mutala xo yê roniştişê 19in de eşkere kerdibi reyna tekrar kerd. Qerar ame dayîş ke roniştiş de avûkatan pawitiş kerdo û wekîlê şahidan ganî pawitiş nêkerê. 

 

Avûkatan îtîrazê qerarî kerd û semedê hemverê mutalayî waştişê pawitişî kerdî. Sewbîna keyeyan zî reaksîyon vera qerarî da. Heyetê  dadgehe bi bahaneyê ke avûkatan roniştişêk verê waştişê redê dadgerî kerdê, waştişê înan ê pawitişî bi zafvengî red kerd.