RIHA - 'Nobeta Edaletî' ya Emîne û Ferît Şenyaşarî roja 237ine de dewam kerd.

 

Nobeta Edaletî ya Keyeyê Şenyaşarî ke Emîne Şenyaşar û lajê xo Ferît Şenyaşar 9ê adare ra verê Edliyeyê Riha de gênê, roja 237ine de dewam kena. Semedo ke ewro betlaneyê fermî yo, Emîne Şenyaşar û Ferît Şenyaşar çalakîya xo keyeyê xo yê qezaya Pirsûsî de dewam kenê. Keye serê hesabê xo yê medyaya dîjîtalî de nê pare kerd: "Semedo ke şima bikewê çimê hîn  kesan, şima keyeyêk halê xo de çin kerd. Heme nê rastî zanê. Heqîqet nîno xovîrrakerdiş û vînîkerdiş. Do rojêke qetî vejîyo werte."