MERKEZÊ XEBERAN - Goreyê tespîtê zanyaran mêsê hingimênî hemverê tehdîdê parazîtan mesafeyê mabêne xo de pawenê.  

 

Zanyar pê hesîyayî ke mêsê hingimênî semedê pawitişê karîyê xo tehdîdê parazîtê kolonî dûrbîyayîşê mabêne xo de pawenê.

 

Senîn ke merdimî wextê şubeyê Covid-19î de semedo yewbînan ra nêweşî nêkewê xo dûrî danê, eşkere bi ke mêsê hingimênî zî wextê tehdîd û hêrişê parazîtan de xo yewbînan ra dûr danê.  

 

Goreyê cigêrayîşî, bi taybetî mêsê hingimênî yê ciwanî ke merkezê kolonî de yê û mêsê hingimênî yê extîyarî yê teberî tewr zêde mesafe kenê mabêne xo.

 

Wextê cigêrayîşî de ame vînayîş ke hemverê parazîtê Varroa, beşê zereyî û teberî yê karî yewbînan ra cîya benê û bi nê rengî zî vilabîyayîşê parazîtî yeno kêmkerdiş.

 

Tîmêke mîyanneteweyî yê cigêrayoxê UCL û Unîversîteya Sassarî ya Îtalyayî mêsê hingimênî yê ameyî dagirkerdiş û yê kolonîyê înan çin o ardê vera yewbînan û netîceyê ci zî kovara Science Advancesî de weşan kerd.

 

Goreyê nê; mêsê hingimênî demê dagirkerîyê parazîtan de kombîyayîşê yewbînan (dansê cigêrayîşê werdî) merkezê karî de xeylêk tay kerdî.

 

Tîmê cigêrayîşî heto bîn ra tespît kerd ke wextê dagirkeriya parazîtan de mêsê hingimênî yê ciwanî mêsê hingimênî yê extîyar merkezê karî de ver bi teberî de dehf danê û bi nê rengî xo yewbînan ra agêrênê.