RIHA - 'Nobeta Edaletî' ya ke hetê Emîne û Ferît Şenyaşar verê Edliyeyê Rihayî de dest pêkerd roja 239ine de dewam kena.

 

'Nobeta Edaletî' ya ke hetê Emîne û Ferît Şenyaşar verê Edliyeyê Rihayî de dest pêkerd, roja 239ine de dewam kena. Keye ewro zî ame ‘Meydanê Edaletî ya Keyeyê Şenyaşarî’ û nobeta xo do êdî serê dirêceyê awanîya dadgehe de dewam bikerê. Avûkatê keyeyî Serhat Kûrt zî tewrê çalakîya keyeyî bi.

 

Ferît Şenyaşar nobete de bale ant serê edaletî û wina vat: “Wezîrê Edaletî vano, ‘çîyo ke awanî keno dadgeh tabela nîyo, edaleto pak û  lezgîn ê mîyanê ci de yo.' Ma qey na dadgehe girêdayê wezaretî nîya? Tut û mêrdeyê aye ameyî qetilkerdiş, 8 mengî yo vernîya na awanî de ya. Çira edalet bi ca nîno? Qerarê sîyasî yenê girewtiş. Ganî  edalet bi ca bêro."

 

Wexto ke muxabirê Ajansê Mezopotamyayî waştî dîmenê wareyê çalakîya nobete bigîrê, polîsan vatî: “Qedexe yo ke dadgehe û dorê ci de dîmen bêro qeydkerdiş” û ê hewşê dadgehe ra vetî. Emîne Şenyaşar û lajê ci Ferît Şenyaşar nobeta xo ya serê dirênceyê dadgehe de dewam kenê.