Şehrîban Aslan

 

AMED - Avûkate Adîle Salman derheqê tecrîdê giran yê serê Rayberê PKKyî Abdullah Ocalan û tepişteyan de qisey kerd û dîyar kerd ke tecrîd her hat ra lekeyê sîya ê huqûqî yo.

 

Tecrîdê Îmraliyî 22 serrî yo dewam keno û tesîr serê heme zîndanê herême û Tirkîya keno. 7 mengî yo Abdullah Ocalanî ra zanayîş girewtî û muracatê keye û avûkatan rê yeno redkerdiş. Tewr peyîn vejîya werte ke bi bahaneyê Abdullah Ocalan volta eşto cezaya dîsîplînî ci ra ameyo birnayîş. Endama Heyetê Îdarekerdişê Komeleya Huqûqnasî semedê Azadîye (OHD) û Komîsyonê Zîndanê avûkate Adîle Salman derheqê tecrîdê serê Abdullah Ocalan û tepişteyan de ercnayîş kerd.

 

‘Heme hêzî nêrehet benê’

 

Adîleye dîyar kerd ke tecrîdê Îmraliyî hemverê cuyêka  azad ê şarê Tirkîya û Rojhelatê Mîyanên ameyo  plankerdiş û no polîtîka hêzê ke nêwazenê problemê kurdî û heme problemî çareser nêbeno yo. Adîle wina dewam kerd: “Polîtîkayê tecrîdî tena polîtîkayê dewleta Tirkî nîya. Binê zanayîşê dewletê dinya de û tesdîqkerdişê înan de yeno kerdiş. Heme hêzê  nêçareserî wazenê, înan nêrehet keno. Semedê nê Birêz Ocalan yeno îzolekerdiş, fikr û polîtÎkayê ci yenê astengkerdiş.”

 

‘Tu vatişê cezaya voltayî çin o’

 

Adîle dewam de wina vat: “Sîstemê Îmraliyî hemverê qanûnan, desturê bingehîn û metodê unîversalî yo. Tecrîd bi her het ra lekeyê sîya yê huqûqî yo. Tu cayê merdimayî, wijdanî, ehlaqî û huqûqî yê sîstemê Îmraliyî çin o. Serê Abdullah Ocalanî ra serê heme şarê Kurdî rê tecrîd yeno kerdiş. Bêguman tesîr serê her hetê komelî zî kerdo. Berê çareserî ameyê padayîş. Semedê nê zî Tirkîya mahkumî tarîtî yena kerdiş. Tu îzahatê cezaya dîsîplînî seba eştişê voltayî ameyê eştiş çin o.”

 

‘Ganî peynîya polîtîkayê tecrîdî bêro’ 

 

Adîle tewr peyîn wina vat: “Cezayê dîsîplînî yê semedê tepişteyan yenê dayîş, rojeve de yê. Tepişteyî yenê îzolekerdiş. Îdareyê zîndanan wareyê  mevzuatî dûr awan keno. Bi nê caardişan kêfî polîtîkayê giran ê tecrîdî serê tepişteyan de kenê. Tarîxê Tirkîya de tu wext nê caardişê bêmerdimayî bi ca nêameyê. Vengdayîşê ma sey sazgehî oyo ke ganî peynîya nê  polîtîkayê tecrîdî bîyarê.”