ANQARA - Vervatoxa Meclîsê Cinîyan ê HDPyî Ayşe Acar Başaran serê babeta rojeve de ercnayîş kerd û vat: "Ma reyke bîn reyna kenê; ne dewayê şimayê qirkerdişê sîyasî, ne zî hewldayîşê şima yê darbeyê sîyasî do bi HDPijan, kurdan û bi cinîyan game peyser nêdo eştiş. Kurd, vera şima sere nêtewênenê; do no şim arê bibo derd."

 

Vervatoxa Meclîsê Cinîyan ê HDPyî Ayşe Acar Başaran kombîyayîşê çapemenîye de rojdemê cinîyan û welatî ercnayî.

 

'Kobanê dinya rê bîyo nimûne'

 

Ayşe verî Roja Kobanê ya Dinya selam kerde û vat: "Nika Kobanê de modelêk cuya newe yena awankerdiş û Kobanê heme dinya rê bîyo nimûne. Tîya reyke bîn zî sere de cinîyê Kobanê, ez heme şar Kobanê zerrî ko kena."

 

'Seba tarîxê Tirkîya lekeyêk sîya yo'

 

Ayşe bale ant serê darbeya 4ê Teşrîna Peyêne û şermezar kerde û wina vat: "Darbeya 4ê Teşrîna Peyêne ra nata embazê ma zîndan de bi hîsê qesasî tepişîyenê. Ma bi wesîleya 4ê teşrîna peyêne sre de Gultane Kişanak, Fîgene Yuksekdag, Gulsere Yildirim, Aysele Tugluk pêro embazanê tepişteyan selam kenê. Xîretê darbe yê şima do pê kurdan, cinîyan û partîya ma nêeşkê. Goreyê doneya teşrîna verêne de 22 cinîyî ameyî qetilkerdene, 53 cinîyî maruzê şîdetî mendî, 2 domanî kişîyayî, 49 domanî maruzê îstîsmarî mendî, 280 cinîyî ameyî tacîzkerdene. Dezgehê muhakemekerdişî ceza dano cinîyan la nêdano camêrdan. Îqtîdar zî reyna pê pakêta newîye ya muhakemekerdişî destkewteyanê cinîyan keno hedef. Polîtîkaya bêcezaverdayîşî şîdet, qirkerdiş, tacîz û tecawuzan zêdînena."

 

'Fotografê vizêrî fotografê têkoşîn û xoverdayîşî bi'

 

Ayşe çalakîya vizêrî ard vîr û vat: "Wan de di domanî maruzê hêrişê cînsîyî mendî. Çawişo pispor Talîp K. hetê polîsan ra ame pawitene. Kurdîstan de tacîz û tecawuzî hetê îqtîdarî ra ssey çeka şerî şuxilîyenê. Dewlete û îqtîdar pê hêrişanê vera bedenanê cinîyan ê kurdan polîtîkaya qelskerdiş û ecîzkerdişî anê ca. Ma no çi dewaya Musa Orhanî de dî. Dewlete sûcanê unîformakerdeyan nimnena la Emîne Şenyaşar pê serûmî destbend kena. No dişmenîya vera kurdan û cinîyan a."

 

'Bi veşnayîşê daristanan hêrişê kulturê şarî kenê'

 

Ayşe dîyar kerd ke bi veşnayîşan hêrişê kulturê şarî kenê û vat: "Ma Dêrsim de 'Ekolojî û Cinîye' ser o qisey kerd. Daristanê Dêrsimî semedê rant û polîtîkayanê asayîşî yenê vêşnayene. Îqtîdar Dêrsim de hem qirkerdişo ekolojîk keno hem zî hêrişê elewîtîye keno. Nika zî dewlete pê madenan kena ke xozaya Dêrsimî çin bikera."

 

'Krîz tesîrêkpîl keno'

 

Ayşe krîzo bîyaye ard vîr û vat: "Tirkîya de krîzêko pîl esto la îqtîdar keno ke pîzeyê terefgîranê xo debikero û budçeya şerî bizêdîno. Semedê şarî budçe ra barêke zî nêdîyena. Ma do babeta budçe de vengê cinîyan do biresnê Meclîsî.

 

'Ma do pêşnîyazî berê meclîs'

 

ayşe tewr peyîn wina vat: "10ê teşrîna peyêne de ma kombîyayîşê Meclîsê Cinîyan bikerê, 25ê teşrîna peyêne de zî ma do xurtkerdişê paştdayîşê cinîyan ser o nîqaş bikerê. Ma do xeta newîye ya dewrê neweyî pîya ronê. Ma do tim cinîyan reyde bêrê pêser."

 

‘HPV aşısı rahim ağzı kanseri vakalarını yüzde 90 azalttı’.docx görüntüleniyor. Sayfa 1/1