STENBOL- Avûkate Ekîn Baltaş dîyar kerd ke pakêtê hukmî goreyê hewcedarîyê AKPyî bi form benê û vat: "Îqtîdaro ke pakêta Stenbolî wedarna, semedê cinsê komelî û heqê cinîyan de gaman nêerzeno."

 

AKP ke nêşino vurnayîşê desturê bingehîn yê newe, semedê sîstemê huqûqî xo awan bikero, pakêtê cîya yê hukmî vejeno. Serekkomarê AKPyî Tayîp Erdogan 2019 de çarçewaya ‘Belgeyê Stratejîyê Reformê Hukmî' de pakêtê reformî vetî û yê 5in zî 3ê teşrîna peyêne de pêşkêşê meclîsî ame kerdiş û Komîsyonê Edeletî de zî ame tesdîqkerdiş. Pakêta 4ine de semedê sucê hêrişê cinsî, şertê cigêrayîşê delîlê somut ameyîne waştî û reaksîyonê hemverê ci hema dewam kenê. Pakêta newe ya hukmî de zî yeno hedefkerdiş ke komîsyonê sulhî bêrê awankerdiş. Bi pakêtê hukmî dir feydeyê seba cinî û tutan yeno peygoşkerdiş û neweyîyê tewir bi tewir kenê.

 

'Muhtewayê komîsyonê sulhî nîno zanayîş' 

 

Avûkate Ekîn Baltaş derheqê pakêtê hukmî yê bi hemkarîya AKP-MHPyî de vejênê qal kerd û vat: "Mabênçî dewayê huqûqî de, durvistiş zî wareyê huqûqê sucî de, bêguman suc de muracatê cinîyan de, vernê de bi kesê ke şîdet kerdê dir pêvînayîş yeno kerdiş. Destveradayîşê ke bikerdiş û mabênçî nêkenê, wazenê nê projeyan asteng bikerê. Semedo ke karêk bîn yê ke komîsyonê sulhî bikerê çin o. Muhtewayê komîsyonê sulhî zî nîno zanayîş. Kam nê komîsyonan de ca gêno, kam nê dewan ewnîyeno nîno zanayîş. AKP semedê sîstemê hukmê xo bikero, semedê kadroyê xo hukmî de bi ca bikero, na game erzeno."

 

'No metodêk manîpulasyonî yo'

 

Ekîne dewam de wina vat: "Komîsyonê Sulhî esasî de semedê  sînorkerdişê destkewtişê demokratîkî çin ê. Muhakemekerdişê ke derheqê cinî û tutan de yê qels ê û bi sererastkerdişê wina de tewr zehmet bê. Amancê înan oyo ke cinî muracatê hukmî nêkerê, tutî gerre nêkerê. Dewayê hêrişê cinsî anêbenê. No metodêk manîpulasyonî yo. Derheqê kesê şîdet kenê de muhakemekerdişêk bi tesîr nîno kerdiş."

 

'Hamleyê vera cinîyan erzenê'

 

Ekîne bale ant serê Pêkerdişê Stenbolî û vat: "Merdimî nêeşkenê seba îqtîdarê ke pêkerdişê Stenbolî wedarito, vajo ke hemleyê pozîtîf  yê têduştî esas gêno, erzeno. Eke Pêkerdişê Stenbolî bi tesîr bi ameyîne kerdiş, babeta 6284 de semedê hêzê asayîşê perwerde biameyîne dayîş, nameyê tedbîrê pawitişê bi rastî bidayîne, do hewceyê bi hukmê zêde nêmendêne. Bi nê pakêtan hewl danê cinîyan hepsê keyeyî bikerê."

 

Ekîne de tewr peyîn wina erjna: "Vetişê pakêtê hukmî û vurnayîşê qanûnan de prosesêk normal nîyo. Pakêtê hukmî serê hewcedarîyê AKPyî de yenê formkerdiş. Mimkun nîyo ke feydeyê çîyêk bê. Ma welatêk ke xoserbîyayîşê hukmî çin o de ciwîyenê. Pêketê huqûqî bi vurnayîşê qanûnan tena nêbeno. Îqtîdar vurnayîşê hukmî de bêveng û nimte keno. Sey çîyê Pêkerdişê Stenbolî de zî bi ca ame, reyke de vurnayîşê qanûnan de seba înan bi fêde yo.”