AMED - Semedê definkerdişê cenazeya Nevîn Dînç a ke Gever de 5 serrî verê ameye qetilkerdiş, tena  5 deqe dem dayî keye. Cenazeya Esra Altinci ke Şirnex de ameye qetilkerdiş zî dimayê 6 mengan dayî keye.

 

Cenazeyê endamanê YPS û YPS-Jin yê ke demê qedexeyê tebervejîyayîşê kuçeyan ê serra 2016 de qezaya Geverî ya Colemêrgî de dinyaya xo bedilnabî, vera ke agahî bidê keyeyê înan o wext goristanê bêkesan ê Erziromî de amebî definkerdiş. Keyeyê Nevîn Dînç (Bêrîtan Amed) ke Gever de şer de dinyaya xo bedilnabî, xeylêk rey hewl dayî ke cenazeya kênaya xo bigîrê, la netîce nêgirewtêne.

 

Semedê definkerdişî 5 deqe wext 

 

Keye eynî wextî de semedê cenazeya kênaya xo bigîrê, bi rayîrê avûkatanê xo derdayîşêk newe kerdî, semedê pêgirewtişê netîceyê DNAyî cenaze aydî Nevîne vejîya. Netîceyê pêgirewtişê cenazeya Nevîne 5 serrî dima Goristanê Bêkesan ê Erziromî de teslîmê keye ame kerdiş, keye semedê definkerdişê cenaze ver bi Amed de kewte rayîr û semedê definkerdişê zî 5 deqe wext dayî.

 

Dimayê 6 serrî dima dayî keye

 

Herêma Besta ya Şirnexî zî 5-8ê Nîsane de pêrodayîşê ke vejîyayî de cenazeya şervana YJA STARî Esra Atici dimayê bi 6 serran teslîmê keye ame kerdiş. Pêwa ke keyeyê Esra 12ê Tebaxe de muracatê nêweşxaneyê Şirnexî dayî û testê DNAyî da zî dimayê bi mengan ke keyeyî dabi, cenaze Goristanê Bêkesan ra ameye vetiş û teslîmê keyeyê ci ke Anqara de amebi kerdiş.

 

Binê ablûqa de definkerdiş 

 

Cenazeya Esra û Nevîne Goristanê Yenîkoy ê Baglarê Amedî de binê ablûqayê polîsan de aêeyî definkerdiş.