MUŞ - Merkez û xeylêk qezayê Muşî de nêweşxaneyan de semedê kêmbîyayîşê doktoran problemê ke yenê ciwîyayîş, dewam kenê. Muş de hûmara doktoran kêmî ya û nêweşî sewqê bajarê bînî yenê kerdiş.

 

Nêweşxaneyê Muşî û qezayê ci seba kêmbîyayîşê doktoran problemê bîyaye dewam kenê. Bi pêroyî Muş de nê problemî yenê ciwîyayîş û hema zî merdimî sewqê nêweşxaneyê bajarê bînan yenê kerdiş. Welatî derheqê doktorê welîdnayîşê cinîyan û nêweşîya tutan de problem ciwîyenê.  Welatîjan vat, bi hîrê serrî yo problemî nînê çareserkerdiş. Serê sîstemê randevu yê girewtişê fîş û dermankerdişî de hema vajê nîno kerdiş. Merdimî sey 25-30 serrî verê tarîtîyê siba de yenê nêweşxane û fîş gênê. Yê ke fîş gênê xo bi şans vînenê. Muş her het ra îmkanan de  rêze peyîn ê welatî de ca gêno û vajarêk feqîr o. Nêweşxane de zî hetê weşîye de problemî yenê ciwîyayîş. 

 

Derheqê babete de hemsereka Sendîkaya Kedkarê Weşîye  (SES) Zana Tora qisey kerd.

 

'Welatijî nêeşkenê randevu bigîrê' 

 

Hemsereka SESî wina vat: "Bêguman hûmara doktoran kêm a. Muş de tu wext hûmara doktoran qîm nêkena. Sebebê ci zî şertê xebata giran û populasyonê nêweşîyan zêde yo. Semedê alternatîf çinn o no beno sebebê kêmbîyayîşêk cidî yê hûmara doktoran. Welatî nêeşkenê serê sîstemê randevu de fîş bigîrê. Beşê welîdnayîşê cinîyan, çim û cîldîye zî eynî çi yo. Muş de 2013 de nêweşxanayê dewlete abi. Vernîya nê Nêweşxaneyê Dewlete yê Muşî yê  ya neweşxaneyê welîdnayîşê cinîyan û tutan bi. Dimayê 2013 de nê kerdî yew. Semedê nê potansiyelê nêweşan nêwedarnenê. Semedê polîklînîkê welîdnayîşê cinîyan dore bêro girewtiş, ganî rojêke verê nêweşî nameyê xo bidê qeydkerdiş. Semedê têmîyanbîyayîşê randevuyan nîqaş açarnenê alozî. Rewşê ke resenê şîdetê fîzîkî yenê ciwîyayîş."

 

'Polîtîkayêk bi paştdayîşê wezaretî yê bi amancê teşwîqkerdişî'

 

Hemsereka SESî tewr peyîn wina vat: "Nêweşxaneyo tewr nêzdî (Nêweşxaneyê Fakulte û Cigêrayîşê Perwerdî) 250-300 km dûrî yê. Nêweş û merdimê înan wexto ke şêrê bajarê bînî zî hetê starbîyayîşî  de probleman ciwîyenê. Xora rastîyêk bajarî ke rewşa ekonomî baş nîya esto. Wexto ke babete bena weşîye kes nêfikrîyeno. Doktorê k eyenê Muş zî bi peyman xebityenê. Peyman bi nêweşxaneyî dir yeno kerdiş. Polîtîkayêk bi paştdayîşê wezaretî yê bi amancê teşwîqî esto. Vanê ma meaş zêde bikerê do bixebityê. Pêwa meaşan zêde gênê zî 15 mengî xizmetê ferzkerdişê qedênenê û şinê. Amancê  înan şenikkerdişê barê xebate yo, amancê înan kar o. Semedê barê karî şenik bikerê, çîyêk nêkenê la semedê zêde kar bikerê nê kenê. Nêweşxaneyê dewlete ya Muşî yew nêweşxaneyê ke tewr zêde hûmara nivînê SGK û dermankerdişê pere gênê yê û rojane bi pêroyî 3 hezar nêweşî ewnîyenê."