MÊRSÎN - Qezaya Gulnarî de tuta 2 serrî û nîmî ê bi nameyê Muslume ke verê çadire de bi bisîkleta xo kay kerdêne 3 rojî yo vînîbîyaye û tu agahî nîna girewtiş.

 

Qezaya Gulnarî ya Mêrsînî tuta bi nameyê Muslume ke keyeyê ci koçerê, 10ê Teşrîna Peyêne de demo ke verê çadire de kay kerdêne vînî bî. Semedê tuta vînîbîyaye xebatê cigêrayîşî ame destpêkerdiş, la heta nika tu agahî ci ra nêameya girewtiş.  

 

Keyeyê Sarikeçîlî ke bi koçer ciwîyenê semedê  zimistanî xo derbaz bikerê Herêma Konyayî ra ameyê Herêma Mêrsînî. Hewteyê vîyarte de roja Çarşeme keye çadirê xo ronayî û tuta keyeyê Muslume ke eynî roje de saete 17.00 de ke verê çadirî de vînî bî.

 

Bi vengdayîşê keye û derûdorî Cendirme, Îtfaîye û AFAD ameyî cayê serebûtî û dest bi cigêrayîş kerd. Herêma cigêrayîşî tuta vînîbîyaye dewam kena.