Medya Uren

 

AMED - Dayîka di tepişteyê sîyasî Hatîce Yagşir îşkence û hêrişê hemverê tutanê ci de ameyê kerdiş pare kerd û waştişê wurzbîyayîşê serê lingan kerde. Hatîce dîyar kerd ke zîndan de dayê lajê aye pîlî ro û wina vat: "Lajê min o nêweşî kuyayî û o bîn zî surgun kerdî. Ma bi rojan xebere ci ra nêgirewt. Ma nê zulmî qebul nêkenê û lazim o kes zî bêveng nêmano."

 

Tecrîd û binpaykerdişê heqan ê zîndanan her ke şino zêde beno. Şîdet, îşkence û nêzdîbîyayîşê keyfî yenê kerdiş û ardêşê ziwanî zî suc yeno hesibnayîş. Dayîka 2 tepişteyê sîyasî Hatîce Yagşir xeberê ke zîndan ra girewtê ma dir pare kerd. Hatîce dîyar kerd ke lajê ci ameyo surgunkerdiş û lajê aye nêweş zî nîno tedawîkerdiş.

 

Tepişteyê sîyasî yenê surgunkerdiş û derb weno

 

Lajê Hatîce bi nameyê Orhan Yagşir ke zîndanê tîpê D yê Amedî de ameyîne tepiştiş vernîya 3 mengan vera ke keye ra bêro vatiş, surgunê zîndanê Wanî yê pawitişê berzî kenê. Demê surgunî de semedo ke Orhan neêheqî qebul nêkeno şîdeto psîkolojîk ci rê yeno kerdiş.

 

Embazê Orhan nê zanayîşan keyeyê xo rê neql kenê û ê zî keyeyê ey ra vanê. Goreyê Hatîce vana bi bahaneyê şube 15 rojan xebere ci ra nîna girewtiş.

 

'Semedê kuyayîşî hetê weşî ra problemî zêde bî'

 

Lajê Hatîce bi nameyê Talîp Yagşir zî zîndanê Menemenî yê Îzmîrî de yeno tepiştiş. Talîp tepişteyo nêweş o û xeylêk nêweşîyê ey weşîye estê û sîneyê xo ra zî birîndar o. Talîp bi pêvînayîşê telefonî yê bi keyeyê xo dir nê çî ard ziwan: "28ê teşrîna verêne de çend rey mi waşt ke şêrî nêweşxane. Heta ke destûr dayî bi erey xora. Verê ra heta nika demêk zî mi berdî nêweşxane. Wesayîtê zirxî de ez tena bîya. Verê berê nêweşxane de bi saetan mi verdayî. Zereyê wesayîtê asênî de mi vindarnayî. Dîyar bi ke ma verê tîjî de yê. Germbîyayîş û tengbîyayîşê makîne ra ez gêj bîne. Dimayê saetan vatî, bêrê ma şêrê nêweşxane. Mi nêzdîbîyayîşê înan şermezar kerd û ez vera ci vejîyaya. Semedê nê zî 3-4 kesan mi kuyayî. Mi waşt reyna şêrî raporê kuyayîşî bigîrî. Semedê kuyayîşî nêrehetîyê min ê weşîye zî zêde bî. Nêzdîbîyayîşê înan ê wina dewam keno."

 

'Bêveng nêmanê' 

 

Hatîce tewr peyîn wina vat: "Demê tutê mi telefon kenê, timî derheqê vengdayîşî şarî şewêrênê. Vanê vengê ma hemine bêro eşnawitiş. Semedo ke nika nêzdîbîyayîşê ke înan rê yeno kerdiş tena nimûneyêk qij o. Heme tepişteyê siyasî yenê tecrîdkerdiş, şîdet û îşkence înan rê yeno kerdiş. Çîyo ke ê ma kenê Îsraîl li Fîlîstînijî nêkenê."