ANQARA - Endamê Platformê Cinîyan ê Anqarayî dîyar kerdî ke ê do 25ê teşrîna peyêne de Kuçeyê Sakarya de bê, vengdayîşê, "Hemverê şîdetî dewleta camêrdî vejênê meydanan” kerdî.

 

Cinîyê ke hemverê polîtîkayê dişminîyê yê dewlete û hemverê xespkerdişê heqê xo yê têkoşîn kenê, meydanan de yê. Endamê Platformê Cinîyan ê Anqarayî ke amadekariya pêşwazîkerdiş 25ê Teşrîna Peyêne Roja Têkoşînê bi Şîdetê Cinîyan dir kenê do bi sloganê, "Hemverê şer, feqîrî, şîdetê camêrd dewlete têkoşînê pîya” Kuçeyê Sakaryayî bêrê têhet.

 

Cinîyê endamê Platformê Cinîyan ê Anqara de derheqê girîngîyê 25ê Teşrîna Peyêne de ajansê ma rê ercnayîş kerd.

 

‘Cinî do têkoşînê xo dewam bikerê’ 

 

Endamê platformî Aysun Gençtanir, dîyar kerd ke ê do her 25ê teşrîna peyêne wareyan de bê û vat: “Na serre ke bi pandemî derbaz bi seba cinîyan pirrî yo. Ma bahsê serrêke şîdet cinîyan rê zêde bîyo, destkewtişê cinîyan sey Pêkerdişê Stenbolî ke cinîyan bi têkoşînê xo bi dest kerdê û şîdetê camêrdî ke bi destê dewlete zêde bîyo û cinîyan hemverê nê  sere tewinayîşî kenê. Bi kilmî 25ê Teşrîna peyêne do bibo serra ke cinî bi heme hêzê xo yê 5 serrê peyînî têkoşînê xo wareyan de pîl bikerê.”

 

‘Bêrê ma wareyan de têkoşîn girs bikerê’

 

Aysune vat do têkoşînê xo girs bikerê û vat: "Êdî ma  mexdûr ney sey kesê ke cuye de mendê hemverê înan vejênê. Hemverê kesê ke wazenê hêzê cinîyan kêm bikerê û hêrişî cinîyê ke dinya de mendê kenê ma do nê 25ê teşrîna peyêne meydanan de bê. Ma veng danê heme cinîyan kenê û vanê, 'bêrê ma pîya xo ver bidê û 25ê teşrîna peyêne de kuçeyê Sakaryayî de saete 18.30 de bêrê têhet.”

 

‘25ê Teşrîna Peyêne de meydanan de bê’

 

Endama Platformê Cinîyan ê Anqarayî Emel Yazici zî vat ke nê rojan ke qirkerdişê cinîyan zêde bîyo û vat: "Hemverê bêcezaverdayîşê kiştoxê cinîyan, polîtîkayê şerî û zêdebîyayîşê kiştişê cinîyan semedê heq û destkewtişê xo ma tîya yê. Ganî 25ê teşrîna peyêne de ma vengê xo berz bikerê. Ma do bi xo heqê xo bigîrê. Ma semedê cinîyê ke ameyî qetilkerdiş, caardişê Pêkerdişê Stenbolî nê 25ê teşrîna peyêne meydanan de bê. Ma do kuçeyê Sakarya ê Anqarî de bê û veng danê heme cinîyan û wa vejîyê meydanan.”