RIHA - Keyeyê Şenyaşarî çalakîya "Nobeta Edaletî" 256 rojî yo dewam kenê û ewro çalakî de nê mesajî pare kerdî: "Semedo ke hesab nêdê, welat veşnayî.”

 

Çalakîya Nobeta Edaletî ya keyeyê Şenyaşarî vernîya Edliyeyê Rihayî de roja 256ine de dewam kena. Keyeyo ke saetê serê sibayî de ame vernîya edliye nobeta xo dewam keno. 

 

Keyeyî serê hesabê xo yê medyaya dîjîtalî de nê mesajî pare kerd: “Semedo ke hesab nêdê welat veşnayî. Merdimayî, huqûq û ekonomî de top eştê. La Erdogan rewşa welatî weş ramojneno. Edliyeyê Rihayî de çimî korî, goşî kerî wijdan bîyo kerra. Nobeta ma ya Edaletî roja 256ine de dewam kena.”