Avûkatanê Buroyê Asrinî seba ke 'bi lezî' muwekîlê xo Rayberê PKKyî Abdullah Ocalanî û tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaş bivînê muracatê Wezaretê Edaletî, Mudirîya Zîndanan û Serekîya Dayîreyê Heqanê Merdiman kerd.

 

Avûkatan muracat de waşt ke derheqê weşîya muwekîlanê xo de qerqilîyenê coka wazenê cade înan bivînê. Avûkatan muracat de ard ziwan ke 8 mengî yo ê nêeşkenê muwekîlê xo Ocalanî bivînê. Avûkatan waşt ke peynîya na rewşe bêra ardene û ê hînî muwekîlanê xo reyde bi hawayêkê fîzîkî pêvînayîşî bikerê. 

 

Pêvînayîşê telefonî yê Abdullah Ocalanî ke 25ê adare de birayê xo Mehmet Ocalanî reyde kerd nêmcet mendbi. Hela ke înan qisey kerdêne telefon bîryabi. Nê pêvînayîşî ra nata Ocalanî ra xeberêke nêameye girewtene.