Buroyê Huqûqî yê Asrinî muracatê sazgehê mîyanneteweyî kerd

  • 15:08 26 Teşrîna peyêne 2021
  • NAROJANE
STENBOL- Avûkatanê Buroyê Asrinî seba ke bale biancê rewşa muwekîlê xo Rayberê PKKyî Abdullah Ocalanî û tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaşî ser dezgehanê mîyanneteweyîyan muracat kerd.
 
Avûkatanê Buroyê Asrinî seba ke bale biancê rewşa muwekîlê xo Rayberê PKKyî Abdullah Ocalanî û tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaşî ser dezgehanê mîyanneteweyîyan muracat kerd.
 
Sazî û rêxistinê sivîl yê mîyanneteweyî ke avûkatan muracat kerd wina yo:
 
''Rêxistina Efû ya Mîyanneteweyîye (Amnesty International), Komeleya Vergirewtişê Îşkenceyî (Association For The Prevention Of Torture/APT), Konseya Yewîye Huqûq û Baroyan ê Ewropa Council Of Bars And Law Societies Of Europe/CCBE), Komeleya Seba Huqûqnasan Demokrasî ya Ewropa (European Association Of Lawyers For Democracy &World Human Rights/ELDH), Federasyonê Baroyan ê Ewropa (Federation Des Barreaux D’Europe/FBE), Rêxistina Çimdarîya Heqanê Merdiman (Human Rights Watch/HRW), Federasyonê Heqanê Merdiman ê Mîyanneteweyî (International Federation For Human Rights/FIDH), Komeleya Huqûqnasan ê Demokratîkan a Mîyanneteweyîye (International Association Of Democratic Lawyers/IADL), Servîsê Heqanê Merdiman o Mîyanneteweyî (İnternational Service For Human Rights/İSHR), avûkatê Seba Avûkatan (Lawyers For Lawyers), Projeyê Destekê Heqanê Merdiman ê Tirkîya (Turkey Human Rights Litigation Support project), Rêxistina Vera Îşkenceyî ya Dinya (World Organisation Against Torture/OMCT), Avûkatê Demokratîkî yê Ewropa (European Democratic Lawyers/ADL-EDL)''
 
Avûkatan muracatê xo de waşt ke peynîya rewşa bêmerdimîye ya Îmraliyî bêra ardene.
 
Avûkatan tewr peynî 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo reyde pêvînayîş kerdbi. Cewab nêdîyeno muracatê pêvînayîşan.
 
Pêvînayîşê telefonî yê Rayberê PKKyî Abdullah Ocalanî ke 25ê adare de birayê xo Mehmet Ocalanî reyde kerd nêmcet mendbi. Hela ke înan qisey kerdêne telefon bîryabi. Nê pêvînayîşî ra nata Ocalanî ra xeberêke nêameye girewtene.