Şehrîban Aslan

 

AMED - Temsîlkara Hemserêkîya Pêroyî ya ÎHDyî avûkate Rahşan Bataray ke tewrê kombîyayîşê Komîsyonê Parlamentoyê Ewropayî bî, dîyar kerd ke kombîyayîş de rojeva sereyîn binpaykerdişê heqan ê sîstemê hukmê Tirkîya bîyo.

 

Kombîyayîşê Komîsyonê Parlamentoya Ewropayî ya bi babeta ‘Rewşa sîstemê hukmî ya Tirkîya û qanûnan de rêzdarîyê hemverê heqan’ 15ê Teşrîna Peyêne de bi ca ame. Komîsyonî dawetname şawit Komeleya Heqê Merdiman (ÎHD) û nê ser de Temsîlkara Hemserekîya Pêroyî ya ÎHDyî avûkate Rahşan Bataray bi onlîn tewrê kombîyayîşî bî. Rahşane derheqê kombîyayîşî de ercnayîş kerd.

 

‘Sernameyê  babete bêhetbîyayîşê hukmî bi’

 

Rahşane dîyar kerd ke babeta sereyîn yê kombîyayîşê sîstemê hukmê Tirkîya bi û wina vat: “Sernameyê babete bêhetbîyayîşê hukmî bi. Ez zî serê nameyê ÎHDyî beşdar bîya û mi babetê polîtîkayê tedayî yê bi destê hukmî yenê kerdiş, binpaykerdişê heqan ê semedê nê vejênê meydan, rewşa hukmî, zîndan û tedayê serê tepişteyê sîyasî yê Kurdî de ercnayîş kerd. Kombîyayîşêk onlîne bi la xeylêk baş û pozîtîf bi.”

 

‘Ma rapor pare kerd’ 

 

Rahşane bale ant serê endam û îdarekarê ÎHDyî yê ke tepişte yenê muhakemekerdiş yan zî nika teberê welatî de yê wina vat: “Reyna her çalakî, bername û eşkerayîyê siyasetmedarê kurdî benê babeta muhakemeyî. Ma derheqê nê de rapor û dayeyê hîra pare kerd. Ma ercnayîşê xo serê nê beşan de kerd. Ya yewin destbendkerdiş û tepiştişê muxalîf, yê diyîn binpaykerdişê heqan ê zîndanan. Reyna ma bale ant serê rewşa tepişteyê nêweşan. Ma bale ant serê tecrîdê Îmraliyî. Ma vat, Tirkîya hem hemverê mevzuatê xo û hem zî yê mîyanneteweyî têgêrena.”

 

Rahşane dîyar kerd ke yew babeta ke kombîyayîş de bi hîrayî ardê ziwan, polîtîkayê bêcezabîyayîşî yê û no  bêcezabîyayîş senîn bi ca yeno bi dosyayê somut ramojnayê.

 

‘Vatî ganî hemleyêko bi hêz bêro kerdiş’

 

Rahşane vat, sey komîsyonî vengdayîşêk kerdê û wina peynî kerd: “Ma vat no het ra çalakî û bernameyê ke yenê kerdiş ganî hîn bi tesîr bê. Ma vat, bi eşkerayîyêk asan nê nêrê derbazkerdiş û pêşnîyazîyî kerd ke derheqê multecîyê sînorê Polonya û Belarusî de qerarê vengdayîşî bêro girewtiş. Xora heme kesê ke tewrê parlamentoyî bibî, wina serê sîstemê hukmê Tirkîya de  zanabîyayîş ke heme binpaykerdişê heqan hîrayî zanê. Ma zî bi rêk û pêk raporê xo înan dir pare kerd. La munaqeşeyê înan mîyanê înan de estê, munaqeşeyê sey, ‘Belê her serre derheqê binpaykerdişan de pêşnîyaz estê. Gelo ma do bi eşkerayîyêk de bimanê yan zî ma do Tirkîya de veng bidê YE ke hemleyêk bikerê.’ Munaqeşe pêroyî nê het ra bî. Înan vatêne ganî tewr zêde hemleyê bi hêz bêrê kerdiş.”